燒蝦蝦 (興泰大廈) (已結業)

同男朋友講咗好耐話想試吓玩流水蝦，今日佢終於帶我去食了！順便當拍拖節目😆 一場嚟到，當然要介紹一下流水蝦啦！啲蝦喺個缸度超級生猛大隻，要成功捉到嘅話過程係一啲都唔簡單㗎！正正係因為咁，流水蝦呢個活動先至咁好玩～自己「親手」捉返嚟嘅蝦，當然覺得特別好食啦！而事實上，呢度嘅蝦非常鮮甜，啖啖肉，十分滋味！個人認為最好食嘅，係呢條超大嘅原條魚！面頭煎到金黃色，皮脆肉滑又唔腥，誠意推薦👍🏻👍🏻👍🏻 辣迷記得個螺加少少辣椒🌶️落去燒，惹味又爽口，呢個又係狂啪！！值得一讚嘅係魚缸打理得好好，水質好清澈。員工會keep住補蝦、refill外面嘅食材、同收枱面上嘅污糟碟，好勤力同快手👍🏻 另外，佢哋啲海鮮真係好新鮮，唔會見到有冰粒喺上面。