大澳德發 (已結業)

同朋友喺銅鑼灣行街行到攰，但又唔算太肚餓，諗住搵間食小菜嘅坐低食下嘢傾下計，經過呢間大澳德發，見到係主打水上人家菜未試過，就同朋友入去試下。餐廳裝修都係水上人家嘅主題，見到天花掛滿晒啲蜑家帽同埋牆上都掛左啲竹製篩，好有情懷水上人家菜當然要試下佢啲海鮮啦我地叫左個優惠孖寶B，二百幾蚊有兩款海鮮都幾抵食椒鹽鮑魚4隻鮑魚係有炸過嘅，上面鋪滿左炸蒜同彩椒，都幾惹味，鮑魚肉質幾彈牙頭抽乾煎海中蝦有八大隻，煎得幾香幾入味，忍唔到係咁啜蝦殼上面嘅調味😂惹味卜卜蜆煲蜆嘅份量都幾多，調味係比較清淡嘅，食完濃味嘅可以食呢個中和返😁