影片
更多
2020-04-03
94 浏览
📍Mini Friday (旺角)🔍旺角西洋菜南街2號銀城廣場9樓-----係啱啱過去嘅星期一，B仔同朋友黎左呢間Mini Friday食我地嘅Blue Monday晚餐🤓，最近返工忙到爆炸💥，收工又無得睇戲唱K，除左食野人生已經無其他娛樂。雖然努力唔出街左好多日，但係最後都係忍唔住出嚟食個快閃晚餐唞一唞氣。黎到餐廳門口，店員就幫我哋量度體溫，同俾酒精搓手液我地搓手，坐低之後再提供紙巾俾我哋包起口罩，非常貼心。-#碳燒鹿兒島極黑豚西冷扒配藍梅燒汁（$248-晚市套餐，包含田園沙律及是日餐湯）餐湯係羅宋湯，味道正常無特別，反而沙律則有微微驚喜，入面加咗乳酸味爆爆珠，同沙律菜出乎意料地夾。主菜黑豚西冷。肉厚彈嫩，切開帶微微粉色，約9成熟左右，豚汁非常豐腴，配搭味道天然 酸酸甜甜嘅藍梅燒汁，順利地中和左肉嘅飽膩感。🐷-#皇牌威靈頓牛柳（$298）B仔對呢道英國名菜嘅認識係黎自英國名廚Gordon Ramsay，佢曾經講過如果有一日佢要食最後的晚餐，佢嘅桌上一定要有威靈頓牛🐮。就係佢呢一番說話令我一直都好想試一試威靈頓牛，但係由於製作過程頗為繁複，香港並唔多地方有得食，就算有得食，價錢亦通常唔
🔍旺角西洋菜南街2號銀城廣場9樓
-----
係啱啱過去嘅星期一，B仔同朋友黎左呢間Mini Friday食我地嘅Blue Monday晚餐🤓，最近返工忙到爆炸💥，收工又無得睇戲唱K，除左食野人生已經無其他娛樂。雖然努力唔出街左好多日，但係最後都係忍唔住出嚟食個快閃晚餐唞一唞氣。黎到餐廳門口，店員就幫我哋量度體溫，同俾酒精搓手液我地搓手，坐低之後再提供紙巾俾我哋包起口罩，非常貼心。
-
#碳燒鹿兒島極黑豚西冷扒配藍梅燒汁（$248-晚市套餐，包含田園沙律及是日餐湯）餐湯係羅宋湯，味道正常無特別，反而沙律則有微微驚喜，入面加咗乳酸味爆爆珠，同沙律菜出乎意料地夾。主菜黑豚西冷。肉厚彈嫩，切開帶微微粉色，約9成熟左右，豚汁非常豐腴，配搭味道天然 酸酸甜甜嘅藍梅燒汁，順利地中和左肉嘅飽膩感。🐷
-
#皇牌威靈頓牛柳（$298）B仔對呢道英國名菜嘅認識係黎自英國名廚Gordon Ramsay，佢曾經講過如果有一日佢要食最後的晚餐，佢嘅桌上一定要有威靈頓牛🐮。就係佢呢一番說話令我一直都好想試一試威靈頓牛，但係由於製作過程頗為繁複，香港並唔多地方有得食，就算有得食，價錢亦通常唔平。所以一見到呢度嘅威靈頓牛價錢唔算太貴，就叫左一份黎試下。金黃嘅酥皮入面包裹住滿滿菌醬同一大舊菲力牛扒。酥皮兩側入口鬆化，但中央位置則被牛柳釋出嘅水份導致酥脆度略減，菌醬濃度適中，起提味作用但又無蓋過牛味，而中間嘅牛柳色澤粉嫩，不見血水，但牛味就唔算太濃，整體雖說不上極度驚艷，但味道也不錯，性價比角度的話絕對可以一試。
-----👶🏻B仔整體評價：7.6/10個👍🏻
👶🏻B仔抵食程度：8/10個👍🏻
👶🏻B仔環境評分：7.5/10個👍🏻
👶🏻B仔味道評分：7.5/10個👍🏻
👶🏻B仔回頭機會：7.5/10個👍🏻
-----
#swallowhongkong
跟住我一齊吞食香港啦！🤤
#swallowmongkok
张贴
