影片
更多
2013-02-21
194 浏览
紅螞蟻集團於1998年成立，現擁「紅螞蟻風味小館」和「一品螞蟻」兩個品牌。 紅螞蟻除堅持各傳統美食特點之外，更配合創新的烹調手法，令各菜式均具新鮮感。 紅螞蟻在香港有７間分店，全部都在旺區 (銅鑼灣．旺角．荃灣．沙田．九龍灣．觀塘．尖沙咀）。 我去過銅鑼灣／觀塘／尖沙咀的分店。各分店一貫悠閒舒適概念之外，更會按各分店地點配入簡約獨特的元素。 每次去紅螞蟻都係食炸豬大腸椰香海鮮湯米線＋凍奶茶。 炸豬大腸就好似榴槤咁，有人一聽到就耍手擰頭，有人一試就會愛吃到唔停得口。 記得細個喺街邊走鬼檔，熱辣辣一大鍋油即切即炸，咬過一啖之後，其外脆內軟的口感，咁多年來都無嘢可以代替，相信大部份炸豬大腸癡與我一樣 ，對大腸都總有份情意結！ 現在好少茶餐廳會供應炸豬大腸麵，因製作時間需時，所以每次去紅螞蟻都係食炸豬大腸。 初一同老公及奶奶在銅鑼灣睇完超無聊的賀歲電影後，打算去食下午茶。行左好耐好多酒樓餐廳都休息，初一真係全年最難搵食的一天！終於搵到紅螞蟻照常営業。可能好多人都跟我們一樣搵唔到食，入到去都人山人海。好快被安排坐於卡位，餐牌及水好快送到。 餐牌吸引，可惜我一早已選定～炸豬大腸／椰香海鮮湯／雲南米
紅螞蟻除堅持各傳統美食特點之外，更配合創新的烹調手法，令各菜式均具新鮮感。
紅螞蟻在香港有７間分店，全部都在旺區 (銅鑼灣．旺角．荃灣．沙田．九龍灣．觀塘．尖沙咀）。
我去過銅鑼灣／觀塘／尖沙咀的分店。各分店一貫悠閒舒適概念之外，更會按各分店地點配入簡約獨特的元素。
每次去紅螞蟻都係食炸豬大腸椰香海鮮湯米線＋凍奶茶。
炸豬大腸就好似榴槤咁，有人一聽到就耍手擰頭，有人一試就會愛吃到唔停得口。 記得細個喺街邊走鬼檔，熱辣辣一大鍋油即切即炸，咬過一啖之後，其外脆內軟的口感，咁多年來都無嘢可以代替，相信大部份炸豬大腸癡與我一樣 ，對大腸都總有份情意結！
現在好少茶餐廳會供應炸豬大腸麵，因製作時間需時，所以每次去紅螞蟻都係食炸豬大腸。
初一同老公及奶奶在銅鑼灣睇完超無聊的賀歲電影後，打算去食下午茶。行左好耐好多酒樓餐廳都休息，初一真係全年最難搵食的一天！終於搵到紅螞蟻照常営業。可能好多人都跟我們一樣搵唔到食，入到去都人山人海。好快被安排坐於卡位，餐牌及水好快送到。
餐牌吸引，可惜我一早已選定～炸豬大腸／椰香海鮮湯／雲南米線＋凍奶茶。而且有下午茶餐只需＄３８
麵有４款－各有特色 髮絲麵－（自家製）軟熟香口，好似粉絲
雲南米線－正氣有益
米粉－健康首選
烏冬－咬口一流，但要＋＄５
湯有５款－各有特色
豬骨湯－原味清甜
椰香海鮮湯－鮮甜香濃
四川酸菜－開胃去膩
正宗重慶麻辣湯－辣燙麻香
酸辣湯－微辣醒胃
點菜時特別要求豬大腸要分開上（之前試過唔記得要求，結果炸豬大腸被湯浸淋了！！！）
由於豬大腸分開上，令碗麵的賣相變得很寒酸，好似食淨的．．．但不介意，情願要夠脆的大腸。
炸豬大腸－即炸，送上時依然熱辣辣。今次有小小炸過火，有小小太乾。但依然外脆內軟。口感十分討好！
最重要是大腸內的肥脂已經完全清除，沒有了豬”蘇”味！ 但份量都可以 （雖然份量比以前小了，但所有食店都一樣，都不能投訴）
椰香海鮮湯雲南米線－湯底有濃烈的椰香味，海鮮味欠奉 （當然不要期望有海鮮材料！）但味道鮮甜香濃，十分惹味。
最重要是食完沒有口渴的情況。雲南米線口感彈牙，份量足夠。個人認為椰香海鮮湯配雲南米線最合宜。
凍奶茶－一柸合格的奶茶，有茶餐廳風味。
雖然下午茶餐比午餐便宜，但份量不変。讚！ 服務態度良好，侍應自動加水，自動清理枱上食物。
環境－環境舒適．清潔加上闊寛的梳化椅，都會讓食客慢慢食．傾下計的地方。如果沒有太多食客，侍應都不會趕客。
张贴
