呢檔已經幫襯過好多次，基本上呢度唔訂枱，walk-in 亂入基本上係無枱比你坐低食。
餐牌
今日先講個湯底係鴛鴦鍋，沙爹配清湯，沙爹夠香但清湯偏咸。
湯底足料，沙爹有大葱，豆卜，而清湯就菜同豆腐。
牛丸基本上又係必點，彈牙又夠味。
菜基本上新鮮就可以。
淮山拼響鈴，響鈴脆，最緊要係可以雙拼，兩口子打邊爐嘅食客可以多咗唔同嘅選擇。
雙拼餃，兩隻都好味，個人比較鍾意麻辣香芹多於韭菜。
好大碟嘅豬雜，
粉腸，大腸，潤，肝，肚，玻璃肉等
其實幾好味，不過真係太大碟，兩口子食剩大半碟，個人建議超個四人都食豬雜嘅話，必點！
手切牛肉，齋睇上面張相：油花滿滿嘅牛肉，賣相已經係無得輸！
1
又嫩又甜又無楂，呢個就係第7次幫襯嘅理由。
HKD670咁平又食到咁優質嘅食材，仲無加一，好味！抵食！只係地方比較偏僻。
