R&B (已結業)

成日都想起尖沙咀搵啲餐廳食飯，又想搵啲冇限時而且又坐得舒服啲。朋友之前介紹過依間餐廳，突然之間醒起所以就過嚟試吓。好彩晏晝時間上嚟唔使book枱都有位。侍應仲好好咁樣，安排左窗邊位置俾我哋tim。因為佢係美式餐廳所以食物嘅份量都唔細侍應仲好好咁樣提醒我哋唔需要點太多食物我哋揀咗一個漢堡包同埋意粉上枱之後我哋真係大吃一驚，兩個人心諗真係食唔晒漢堡包非常之Juicy,而且好欣賞佢個麵包烘左，另外我最鍾意就係嗰塊芝士變成左一塊薄脆，香口得來又更加邪惡另外卡邦尼意粉亦係增肥之選，分量亦都非常之震撼，兩個女仔完全食唔晒