古今二 (The ONE)

营业中

休息中

銅鑼灣同觀塘嘅分店都食過，今日行街見到原來The One都新開左分店，所以又試一試。唔同分店嘅裝修感覺都好唔同，呢間日式感無咁重。我哋首先叫咗個柚想蝦你，一睇個名都知係沙律，因為又有柚、蘋果同牛油果，令到成個沙律好Fresh。自己感覺卷物係古今二嘅招牌，今次試咗富士山、煙花同埋黑蜘蛛。食材新鮮、足料，造型精緻！但自己同屋企人最欣賞佢嘅網燒牛舌！薄薄一片，爽口得黎有汁，加埋佢個sauce，唔羶又唔膩。另外值得一提，自從去完日本，喺香港我從來都唔食天婦羅！今次係屋企人叫，我先試下，佢嘅天婦羅真係可以媲美日本！夠熱夠脆又唔會油，小番薯夠甜。如果喺附近返工，食佢嘅set lunch仲抵。