Lab Made 分子雪糕專門店 (已結業)

今日有M君請食野，去左呢間分子雪糕專門店，平時我行經佢地唔走門市，但一直覺得係卓頭野所以無幫襯，但今次有人請食所以就去試下。呢間同佢旗下分店唔同既地方係因為佢係標明係咖啡店，所以有Cake食同咖啡飲。叫左兩件蛋糕同一杯咖啡，再叫左兩份雪糕試下。首先係賣相好吸引既火山蛋糕($88)，外面係朱古力蛋糕，係火山口放左少許乾冰，然後當倒入蜜蜂後，就會有火山爆發既效果出現。睇佢爆煙果下真係好吸引，名副其實，而切開蛋糕食果陣，有一陣好濃既朱古力味，蛋糕做得軟硬適中，味道亦唔會過甜，但美中不足係用左蜜蜂去做「岩漿」，顏色唔係太夾，而且蜜蜂既甜度頗高，間接影響左蛋糕本身既朱古力味，混和一齊食反而食唔到蛋糕本身既朱古力味，如果佢地用車厘子做漿汁應該效果會好好，因為好多酒心朱古力都有用車厘子配塔。朱古力咖啡($34)，咖啡味比較淡，飲落比較似飲一杯純朱古力，怕咖啡苦味既朋友可以一試。流沙奶皇包分子雪糕($44)，好似真係食緊奶皇包，特別在唔係食緊個芯，而係真係食奶皇包第一啖連包一齊食，因為食落有奶黃味道，而唔係太甜同膩，奶黃味中夾雜有少少饅頭既味道，可以做到咁既效果真係出乎我意料，但食左幾啖都係咁既味道就