影片
更多
2015-10-15
616 浏览
同老公去the one搵野食搵搵下見到呢間靚靚日本食店門外d綠茶甜品真係好吸引...件件都好想食色彩繽紛但我同老公講，我要食正餐啵甜品晏d先返黎食啦點知老公叫我睇真d..呢度係有熟食嫁望落仲好特別，咁一於試下啦可能我地去既時間尚早，店內唔係太多客人店員好多時間可以serve 我地咁我地當然叫佢介紹下有咩係正野原來有個$99 set好抵食，有烏冬+甜品+飲品經理哥哥都好熱情佢叫我地一定要試佢地既烏冬因為佢烏冬加左海藻，出面超市係買唔到嫁，100%日本國內出品呢個係日本野菜天婦羅冷烏冬烏冬一黎到，望到個外型真係唔講唔知係烏冬烏冬加海藻除左健康，食落都好特別咬落去好煙韌又好彈牙，配搭埋撈烏冬既汁會不斷想再食眨下眼就食哂成碗，仲有沙律送tim 唯一係覺得個野菜天婦羅炸得乾左少少和風溫泉玉子海藻麵意粉望落好簡㓗，見到個意粉都加左海藻因為都係冷食，以為同烏冬差唔多味點知食落有唔同感覺面頭既日本大葉撈左流心溫泉蛋好夾食落有微微草香味，唔會漏又係眨下眼又食哂成碗我地仲另外叫多左個飯，諗住試多d咖哩炸雞飯$108食落係日本咖哩黎，味道甜道適中，又不太辣，飯係用日本米，驚喜位係d雞肉好嫩，炸得啱啱好咖啡$
同老公去the one搵野食
搵搵下見到呢間靚靚日本食店
門外d綠茶甜品真係好吸引...件件都好想食
色彩繽紛
但我同老公講，我要食正餐啵
甜品晏d先返黎食啦
點知老公叫我睇真d..呢度係有熟食嫁
望落仲好特別，咁一於試下啦
可能我地去既時間尚早，店內唔係太多客人
店員好多時間可以serve 我地
咁我地當然叫佢介紹下有咩係正野
原來有個$99 set好抵食，有烏冬+甜品+飲品
經理哥哥都好熱情
佢叫我地一定要試佢地既烏冬
因為佢烏冬加左海藻，出面超市係買唔到嫁，100%日本國內出品
呢個係日本野菜天婦羅冷烏冬
烏冬一黎到，望到個外型真係唔講唔知係烏冬
烏冬加海藻除左健康，食落都好特別
咬落去好煙韌又好彈牙，配搭埋撈烏冬既汁會不斷想再食
眨下眼就食哂成碗，仲有沙律送tim
唯一係覺得個野菜天婦羅炸得乾左少少
和風溫泉玉子海藻麵意粉
望落好簡㓗，見到個意粉都加左海藻
因為都係冷食，以為同烏冬差唔多味
點知食落有唔同感覺
面頭既日本大葉撈左流心溫泉蛋好夾
食落有微微草香味，唔會漏
又係眨下眼又食哂成碗
我地仲另外叫多左個飯，諗住試多d
咖哩炸雞飯$108
食落係日本咖哩黎，味道甜道適中，又不太辣，飯係用日本米，驚喜位係d雞肉好嫩，炸得啱啱好
咖啡$60 紅茶(套餐可配)
另外經理哥哥推介我地飲咖啡
因為佢地既咖啡好特別，冇加熱去煮
係由一滴一滴既蒸餾水滴落特別調配既咖啡豆度而製成，咁滴法要成8個鐘先製到
好珍貴
所以佢地每日只係限量20杯
$60 一杯可以話貴，但聽完佢既製成方法就覺得值既
飲落好濃咖啡豆香味，苦澀得黎有好清純既咖啡味，加埋糖水仲正
飲完好醒神，完全唔洗落奶
因為落左反而遮左咁香既咖啡味
佢地d紅茶黎自斯利蘭卡
我揀左汀普拉白毫紅茶
據說係皇室飲緊既茶黎
浸左一陣，試下先
茶味好純，聞落同飲落都好香，
皇室茶果然唔同d
飲一口紅茶，再配上抹茶蛋卷真係人生一大享受
服務員會自動幫忙加水，好貼心
抹茶蛋卷
呢個我最期待，而且$99set有得揀，好抵食，平時就咁買一件都成$30
好creamy..有抹茶既清香
蛋卷面灑上綠茶粉，一d都唔苦
令蛋卷抹茶味更加突出
蛋糕質地好鬆軟，唔會好甜
入面既忌廉好幼滑，食完唔覺好heavy
抹茶軟雪糕芭菲$88
以為有d貴，但軟雪糕一黎已經好大杯
夠哂2個人食，呢個份量一d都唔貴
食落又係好好食呀！軟雪糕好軟滑
抹茶味好濃郁，搭埋紅豆一齊食真係一流
問下點解d紅豆咁大粒咁好食
原來都係日本出品
芭菲好足料，入面仲有抹茶Jelly，小丸子同杏仁脆脆
呢間野真係真心正
正餐又得，甜品又得，又睇得又食得
再問下歷史，原來9月先新開
之前舖頭喺佐敦，都好受歡迎，要排隊先有得食
啱啱搬左黎the one冇乜人知
襯而家未咁多人排隊，真係要食多幾次
仲有好多其他套餐，例如蛋糕茶套餐，午餐，抹茶甜品set
下次再試埋佢先
打完呢篇食評，我又好掛住個烏冬同綠茶雪糕喔
张贴
