影片
更多
2020-01-15
65 浏览
最近同朋友去左呢間位於尖沙咀既鮨真, 無論係環境定食物質素都令人非常滿意, 值得推薦.一入到去環境非常整潔,重點係可以望到維港海景,非常有氣氛. 我地當晚去到並唔算多人,環境相對清靜,非常適合慢慢傾計慢慢食. 呢度主要係食廚師發辦既, 有唔同價位既SET比客人選擇, 我同朋友就分別叫左個$1480既”櫻”SET. 呢個價錢包左前菜,刺身8款,壽司6貫,2款和食, 湯, 水果同甜品, 相當豐富. 前菜係酸醏啫喱配松葉蟹肉,賣相相當精緻. 啫喱食落酸酸地,非常開胃, 而松葉蟹肉就配答埋日式芝麻醬一齊食,非常鮮美. 之後就食其中4款刺身,分別係左口魚邊,鮫魚,銀雪魚同獅魚. 其中最令我驚喜既係銀雪魚刺身, 師傅將外皮微微燒熟, 食落有陣陣油香, 味道鮮而不膩, 非常好食. 另外4款就分別係鰹魚,粒貝,白子同拖羅. 鰹魚係香港較少有機會食到, 佢係屬於味道較為濃既魚, 配搭埋紫蘇葉一齊食, 味道相當獨特. 粒貝口感爽口清甜, 非常新鮮. 平時食白子成日都好怕會有怪味, 但呢道既白子就完全唔會,只係有啖啖既鮮甜味. 拖羅一向係刺身之王,呢度既拖羅亦非常出色, 入口即溶. 兩款和食分別係清酒燒大蜆
一入到去環境非常整潔,重點係可以望到維港海景,非常有氣氛. 我地當晚去到並唔算多人,環境相對清靜,非常適合慢慢傾計慢慢食.
呢度主要係食廚師發辦既, 有唔同價位既SET比客人選擇, 我同朋友就分別叫左個$1480既”櫻”SET. 呢個價錢包左前菜,刺身8款,壽司6貫,2款和食, 湯, 水果同甜品, 相當豐富.
前菜係酸醏啫喱配松葉蟹肉,賣相相當精緻. 啫喱食落酸酸地,非常開胃, 而松葉蟹肉就配答埋日式芝麻醬一齊食,非常鮮美.
之後就食其中4款刺身,分別係左口魚邊,鮫魚,銀雪魚同獅魚. 其中最令我驚喜既係銀雪魚刺身, 師傅將外皮微微燒熟, 食落有陣陣油香, 味道鮮而不膩, 非常好食.
另外4款就分別係鰹魚,粒貝,白子同拖羅. 鰹魚係香港較少有機會食到, 佢係屬於味道較為濃既魚, 配搭埋紫蘇葉一齊食, 味道相當獨特. 粒貝口感爽口清甜, 非常新鮮. 平時食白子成日都好怕會有怪味, 但呢道既白子就完全唔會,只係有啖啖既鮮甜味. 拖羅一向係刺身之王,呢度既拖羅亦非常出色, 入口即溶.
兩款和食分別係清酒燒大蜆同燒馬頭魚. 大蜆大概有半隻手掌咁大, 清酒味適中唔會太濃, 唔會影響到蜆肉本身既鮮味.
馬頭魚由皮開始燒, 連埋脆卜卜既魚鱗一齊食, 非常有層次感.
6貫壽司分別係筋子,海膽,吞拿魚面頰,池魚,赤蝦同燒左口魚邊, 每款都非常新鮮好食.
最後湯品係非常濃郁既魚湯,望落去係奶白色既,飲落非常鮮美.
呢餐最後以日本蜜瓜同藍梅雪糕畫上句號, 整體而言令人非常滿意.
张贴
