巢私厨川菜 (已結業)

雖然自己唔係好食得辣，但都喜歡食川菜，唯有嗌超少辣過下口癮啦！秘製酸菜鱸魚，揀左白湯，湯底用左雞，海鮮去烹煮，幾入味，由於揀左小辣，飲落都唔會太辣，有酸菜既精華。酸菜都好好食，唔會過酸！至於條魚，上菜時已經起曬肉，走過油，好滑！一啲草腥味都冇！干鍋菜花，上菜時有個爐仔，所以放耐左都唔會凍。菜花新鮮入味，醬汁好入味，再配埋紫洋蔥，帶甜品回鍋肉，有大量包心菜一齊炒，好夾，包心菜吸收曬回鍋肉既精華，非常好食！