Café BAU (裝修中)

呢間餐廳收藏了很久，一直想試吓！拖了很久，最後終於搵到機會食一次！知道佢隻雞好出名！聽講拍得住「四大名雞」！結果真係一試難忘！今次試咗佢嘅tasting menu，每一道fusion菜都好出色，好食之餘仲有驚喜！由麵包開始，已經感受到唔錯！同埋每道窗都有啲儀式感，啲職員會同你講解一下。記得其中有一個係用八珍甜醋整嘅豬手，睇落去一啲都唔似，食緊嘅時候覺得好似食緊薑醋咁，但係又幾好味！之後有一個海鮮粥，中西合璧都幾得意！我最奇怪係明明食緊主菜，中間攝咗一個雪葩，就比較怪啲，唔知係咪上錯菜，但整體都唔影響對佢嘅好感！當然最後要提一提佢隻雞，真係做到皮薄，雞又多汁！又有雞味！唔會用過分嘅醃料影響咗雞味！加埋嗰啲飯！真係好匹配！成晚食完真係飽到上心口！好味好味！下次一定會再嚟幫襯！而環境方面亦都唔錯，氣氛都幾好！職員都好有禮貌！