影片
更多
2016-04-11
1354 浏览
放題呀，小妹真係放題成癮！好友前兩日又話想食放題，咁就交比佢訂枱帶我去食啦～原來朋友訂咗係旺角嘅八幡屋日本料理，就哂我落堂去食xd好彩訂咗位，七點已經有七成滿入座。鋪頭唔算大，有開放式嘅壽司吧，可以睇到師傅整壽司！因為訂咗枱，所以一嚟到就上咗五行壽司，係訂位先會送咖！有五舊，款款唔同非常精緻有特色。每款都係經過火燒再加上唔同嘅配料。食落有啲似火灸系列嘅卷物，味道都好唔錯。我地見升級體驗好似幾吸引，就決定一人加50蚊試試佢！珍寶帶子刺身同赤蝦刺身分量十足，大大件又新鮮。帶子肥美鮮甜，大蝦肉質彈牙。第一次食放題有生蠔，生蠔幾厚肉，用小碗一隻一碗沾上酸酸甜甜嘅汁，更加突顯蠔嘅甜味，翻本之選呢！汁燒豚小排同炭燒紐西蘭羊扒燒得香口，啖啖肉。兩者均肉質嫩滑，口感唔會韌。燒味淋河豚干幾特別，燒得干乾身嘅河豚干沾上沙律醬十分開胃，河豚干燒得好香，入口食到濃郁嘅魚味，有小小似燒魷魚干。日式蒸蛋十分嫩滑，蛋味十足，我倆都好喜歡。火灸柚子和牛壽司都係屬於升級嘅其中一樣。半生熟嘅牛肉被輕輕燒過，表面帶點燒過嘅焦香，內裏卻依然肉質嫩滑，雖然柚子味不太突出，但整體感覺依然不錯。炸物係我嘅至愛，芝士年糕同芝士薯波芝
好友前兩日又話想食放題，咁就交比佢訂枱帶我去食啦～
原來朋友訂咗係旺角嘅八幡屋日本料理，就哂我落堂去食xd好彩訂咗位，七點已經有七成滿入座。鋪頭唔算大，有開放式嘅壽司吧，可以睇到師傅整壽司！
因為訂咗枱，所以一嚟到就上咗五行壽司，係訂位先會送咖！
有五舊，款款唔同非常精緻有特色。每款都係經過火燒再加上唔同嘅配料。食落有啲似火灸系列嘅卷物，味道都好唔錯。
我地見升級體驗好似幾吸引，就決定一人加50蚊試試佢！珍寶帶子刺身同赤蝦刺身分量十足，大大件又新鮮。帶子肥美鮮甜，大蝦肉質彈牙。
第一次食放題有生蠔，生蠔幾厚肉，用小碗一隻一碗沾上酸酸甜甜嘅汁，更加突顯蠔嘅甜味，翻本之選呢！
汁燒豚小排同炭燒紐西蘭羊扒燒得香口，啖啖肉。兩者均肉質嫩滑，口感唔會韌。燒味淋河豚干幾特別，燒得干乾身嘅河豚干沾上沙律醬十分開胃，河豚干燒得好香，入口食到濃郁嘅魚味，有小小似燒魷魚干。
日式蒸蛋十分嫩滑，蛋味十足，我倆都好喜歡。
火灸柚子和牛壽司都係屬於升級嘅其中一樣。半生熟嘅牛肉被輕輕燒過，表面帶點燒過嘅焦香，內裏卻依然肉質嫩滑，雖然柚子味不太突出，但整體感覺依然不錯。
炸物係我嘅至愛，芝士年糕同芝士薯波芝味濃郁，岩哂我呢芝士怪。而炸蝦蝦肉彈牙，炸粉亦唔厚。秋葵明太子天婦羅幾特別，用咗好似蝦膠放係秋葵中，創新嘅造法。
南蠻炸雞翼好入味，皮脆肉嫩，正！
黃金焗蠔同芝士大蝦金龍船亦係好食推介。蠔唔算大隻，但因為焗嘅原因吸收哂芝士嘅香味。
蝦都一樣，因為芝士醬汁，大大提升咗蝦嘅美味呢。
蒜片牛柳粒細細份，一人幾粒過下口癮麻xd牛柳唔韌又入味，炒得香口吸咗蒜香，而且食落有肉汁！
鹽燒虎蝦都好正。串住一條條嘅蝦燒得熱辣辣，肉質新鮮，就咁用鹽燒都已經帶出咗蝦嘅鮮味，好食！
估唔到甜品選擇一樣多，有雪糕，大福，糯米糍，炸朱古力香蕉，焦糖菠蘿，連水信玄餅都有！推介蘋味大福，甜甜的口感又qq，一啖一粒就岩岩好。櫻花味嘅水信玄餅都一定要試！外表晶瑩剔透，水水嘅感覺，一入口好滑又q彈，帶點櫻花味，非常特別！
放題又多選擇又好食抵食，真係好吸引！訂座送嘅五行壽司最為吸引，大家想試嘅話就記住訂枱喇！
张贴
