影片
更多
2022-10-31
198 浏览
最近都好想食日本嘢，男朋友知我心，所以佢就帶咗我去一間餐廳度食嘢。------------------------------我哋7點去到，算係比較早嘅時間，所以去到嘅時候餐廳唔算好多人，但去到8點到就開始多人，想食嘅話可能早啲去會好啲。中間都闊落，坐得舒服。------------------------------首先嗌咗個鹽焗銀杏，其實我完全未食過銀杏呢一樣食物，但難得有得食就梗係試吓啦。整嗰陣仲係熱辣辣，鹹鹹地幾好食。然後我哋仲嗌左一啲魚生同刺身。當中我最鍾意食嘅係池魚，好新鮮，唔會有魚腥味。而刺身方面樣樣都好新鮮。店員仲有教我哋應該食邊樣刺身先，好細心。油甘魚刺身相當肥美，食落鮮甜。嗌得魚生就緊係唔少得壽司啦！我哋嗌左左口魚邊壽司同埋海膽壽司。兩個食落都好鮮甜，海膽壽司唔會有種苦味！好好食！！白子聽就聽過，但我就真係未食過。咁啱見到有白子照燒就嗌咗嚟試吓，食落口感好creamy，細滑豐腴，加埋照燒汁燒一燒就更加好食。最近亦都係食秋刀魚嘅季節，所以我同男朋友都嗌咗一個燒秋刀魚嚟食吓，燒到啱啱好，唔會老。正！呢個南瓜個汁飲落清甜，有少少魚味，而且啲裝飾熱得好靚，好有心思，簡直係睇
------------------------------
我哋7點去到，算係比較早嘅時間，所以去到嘅時候餐廳唔算好多人，但去到8點到就開始多人，想食嘅話可能早啲去會好啲。中間都闊落，坐得舒服。
------------------------------
首先嗌咗個鹽焗銀杏，其實我完全未食過銀杏呢一樣食物，但難得有得食就梗係試吓啦。整嗰陣仲係熱辣辣，鹹鹹地幾好食。
然後我哋仲嗌左一啲魚生同刺身。當中我最鍾意食嘅係池魚，好新鮮，唔會有魚腥味。而刺身方面樣樣都好新鮮。店員仲有教我哋應該食邊樣刺身先，好細心。油甘魚刺身相當肥美，食落鮮甜。
嗌得魚生就緊係唔少得壽司啦！我哋嗌左左口魚邊壽司同埋海膽壽司。兩個食落都好鮮甜，海膽壽司唔會有種苦味！好好食！！
白子聽就聽過，但我就真係未食過。咁啱見到有白子照燒就嗌咗嚟試吓，食落口感好creamy，細滑豐腴，加埋照燒汁燒一燒就更加好食。
最近亦都係食秋刀魚嘅季節，所以我同男朋友都嗌咗一個燒秋刀魚嚟食吓，燒到啱啱好，唔會老。正！
呢個南瓜個汁飲落清甜，有少少魚味，而且啲裝飾熱得好靚，好有心思，簡直係睇得又食得啊。
當然唔少得主食啦，所以我哋嗌咗個魚湯烏冬，湯底濃郁，好重魚味，飲落亦都唔會口乾，而且啲烏冬都好掛湯，好出色。
------------------------------
有機會嘅話我都會想再嚟食！！
张贴
