影片
更多
2021-09-06
92 浏览
朋友介紹，話灣仔有間食順德菜既私房菜好好食，尤其係黃金蝦同金蠔，兩款都係我至愛，緊係要試下好野緊係叫埋家姐食喇，順便慶祝佢生日先食頭盤冰鎮鮑魚：用新鮮沙律菜伴底跟兩隻大隻鮑魚連秘製汁上碟，鮑魚厚肉，入口軟熟彈牙，而且帶有淡淡既酒香味; 如果點上秘製汁，鮑魚既鮮味更加特出鮑魚洗得好乾凈，入口勁新鮮，口感十足；秘製汁係酸酸甜甜，再加少許Wasabi調味，與沙律菜食更加惹味鑲鑽黃金蝦：大虎蝦炸到黃金脆卜卜，外層包上鹹蛋王同麥片，蝦肉彈牙又夠厚身，食入口酥脆可口，我連蝦殼都食埋一邊啜鹹香既蛋黃粒同麥片，一邊品嘗爽甜蝦肉；蝦頭仲有大大舊蝦膏香煎蜜餞金蠔：用酥炸蓮藕墊底，加上蜜餞伴碟；金蠔肥美啖啖肉，咬落去甘香芳郁，外脆內軟，再配蜜餞食，入口齒頰重香炸蓮藕夠酥脆再配蜜餞食，好夾和味粉絲煲：店員介紹有七款食材炒埋一齊，有紅蘿蔔、芹菜、肉鬆、蝦乾、鹹蛋黃、雞蛋絲、獨蒜，粉絲炒得夠乾身，而且不油，上碟仲有節節聲，獲氣十足豉油雞：用瓦煲盛載，上枱好香玫瑰露香味，肉質非常嫩滑，豉油鹹甜度適中，可以撈碗白飯食魚湯浸菜芯：菜芯嫩口爽脆，魚湯夠濃郁家姐食完都好滿意，其實佢係餐牌上見到好多餸菜都好吸引，但兩個人真係
先食頭盤冰鎮鮑魚：用新鮮沙律菜伴底跟兩隻大隻鮑魚連秘製汁上碟，鮑魚厚肉，入口軟熟彈牙，而且帶有淡淡既酒香味; 如果點上秘製汁，鮑魚既鮮味更加特出
鮑魚洗得好乾凈，入口勁新鮮，口感十足；秘製汁係酸酸甜甜，再加少許Wasabi調味，與沙律菜食更加惹味
鑲鑽黃金蝦：大虎蝦炸到黃金脆卜卜，外層包上鹹蛋王同麥片，蝦肉彈牙又夠厚身，食入口酥脆可口，我連蝦殼都食埋一邊啜鹹香既蛋黃粒同麥片，一邊品嘗爽甜蝦肉；
蝦頭仲有大大舊蝦膏
香煎蜜餞金蠔：用酥炸蓮藕墊底，加上蜜餞伴碟；金蠔肥美啖啖肉，咬落去甘香芳郁，外脆內軟，再配蜜餞食，入口齒頰重香
炸蓮藕夠酥脆再配蜜餞食，好夾
和味粉絲煲：店員介紹有七款食材炒埋一齊，有紅蘿蔔、芹菜、肉鬆、蝦乾、鹹蛋黃、雞蛋絲、獨蒜，粉絲炒得夠乾身，而且不油，上碟仲有節節聲，獲氣十足
豉油雞：用瓦煲盛載，上枱好香玫瑰露香味，肉質非常嫩滑，豉油鹹甜度適中，可以撈碗白飯食
魚湯浸菜芯：菜芯嫩口爽脆，魚湯夠濃郁
家姐食完都好滿意，其實佢係餐牌上見到好多餸菜都好吸引，但兩個人真係食唔度咁多，所以下次約埋阿爸阿媽一齊食仲有，店員服務態度十分好，每上一款菜式都好用心介紹，直得一贊
张贴
