味吉長龍

营业中

休息中

朋友介紹一間高質拉麵店，呢間拉麵店原來係同區老牌居酒屋＂沃川＂和＂石亭＂嘅分店主打拉麵。 ＂沃川＂和＂石亭＂一向高質。 所以今次黎試下。 餐廳細細間好似日本拉麵小店咁，但座位都坐得舒服。 我哋兩個人叫咗兩款拉麵＋兩款小食巨龍～特盛慢煮叉燒濃清湯拉麵 湯底我揀左特制味噌， 我自己一向鍾意飲湯， 而佢地係標榜濃清湯， 十分期待， 個湯完全不油膩好香豚肉味同淡淡嘅味噌味道，薄身嘅叉燒肥瘦剛好， 而麵做得唔錯。有咬口， 彈牙結實口感一流。 特別一提仲有炸牛蒡， 非常好味又香又脆。 朋友叫左新野， 夏日限定— 自家製胡麻冷麵。夏天太熱， 食個冷麵都唔錯。 有叉燒絲， 蟹柳絲， 豆腐，蕃茄， 配埋胡麻醬。味道又唔錯。 小食自家製魷魚豚肉餃子  — 呢個小食真心係必食。 外皮金黃酥脆, 內裏餡料包滿 ,大大粒嘅新鮮魷魚粒配埋豚肉，裡面肉嫩多汁, 口感真係一流。 鮮蟹肉忌廉薯餅 - 單個賣相已經好吸引, 外脆內嫩 , 內裡係軟滑忌廉薯蓉，再加上多到滿瀉蟹籽加滋味蛋黃醬. 讚 !富士柚子汽水 — 淡淡嘅清香柚子味。靜罔綠茶可樂— 第一次飲感覺好好， 非常可口， 綠茶味但又帶點甜。 味吉長龍尖沙咀漆咸道南