影片
更多
2018-09-19
2700 浏览
鐘意食甜品或者蛋糕嘅人，就無分日子，隨時都搵到藉口等自己食下甜野。是日係同另一半嘅紀念日，之前已經試過佢地嘅出品嘅戚風蛋糕，細細隻果啲，都好鐘意，專登喺呢度揀左款蛋糕俾個藉口自己打完風第二日蛋糕店都如常營業，所以收工就順利可以pick up蛋糕。咁多間分店，就係旺角朗豪垃坊呢間最方便我，不過近日先知原來有啲分店可以堂食架，有機會都要去試下。蛋糕櫃款款都好吸引，比起上次來，佢地仲加左啲巴洛圈，賣相好靚。至於我呢個原價蛋糕都唔輸，預先已經喺網上睇過，榛子咖啡、士多啤梨、栗子、玫瑰、開心果、椰子芒果、柚子、乳酪、伯爵茶、抹茶等等，款式夠多，最細呢就15cm，夠哂我地兩個食。Whole Chiffon Cake 原個戚風大蛋糕 340：隨蛋糕附上蠟燭、餐刀，店員話可以保存約個零鐘，之後就要冷藏。蛋糕面頭加左各種大小嘅朱古力、桑莓，口感好豐富。側邊嘅忌廉抹得平均，唔會一岩一忽。首先係一層忌廉，就咁聞都已經聞得到好香伯爵茶味，最重要係忌廉輕盈濕潤，唔會有廉價感覺，食得幾口都唔膩，值得一讚！因為上次我買細個嘅蛋糕，忌廉冇咁多，今次一試，終於明白點解咁多人鐘意喇忌廉下係招牌戚風蛋糕，蛋糕體鬆軟得來完全
蛋糕櫃款款都好吸引，比起上次來，佢地仲加左啲巴洛圈，賣相好靚。至於我呢個原價蛋糕都唔輸，預先已經喺網上睇過，榛子咖啡、士多啤梨、栗子、玫瑰、開心果、椰子芒果、柚子、乳酪、伯爵茶、抹茶等等，款式夠多，最細呢就15cm，夠哂我地兩個食。
Whole Chiffon Cake 原個戚風大蛋糕 340：
隨蛋糕附上蠟燭、餐刀，店員話可以保存約個零鐘，之後就要冷藏。蛋糕面頭加左各種大小嘅朱古力、桑莓，口感好豐富。側邊嘅忌廉抹得平均，唔會一岩一忽。
首先係一層忌廉，就咁聞都已經聞得到好香伯爵茶味，最重要係忌廉輕盈濕潤，唔會有廉價感覺，食得幾口都唔膩，值得一讚！因為上次我買細個嘅蛋糕，忌廉冇咁多，今次一試，終於明白點解咁多人鐘意喇
忌廉下係招牌戚風蛋糕，蛋糕體鬆軟得來完全唔乾，軟綿綿，同忌廉比例剛剛好，無香精味好食嘅伯爵茶味蛋糕唔多，呢度係其中一個又唔貴又好味嘅選擇，特別係如果鐘意蛋糕有忌廉嘅不能錯過。自己間中都會光顧網店，不過而家好多收費都不菲。大時大節，生日，紀念日想穩陣啲嘅，我揀呢度。
张贴
