橋底辣蟹 (雅閣大廈) (已結業)

一講到食蟹即刻就諗到去橋底食"橋底辣蟹"除咗因為出名之外呢間嘢都叫保持到水準！順便讚埋二樓嘅男經理服務服務好好，會行埋嚟問吓客,啲嘢食o唔ok?!同女皇兩條友又食唔多嘢諗緊叫咩之際竟然出現咗個二人餐牌啲餸好快就送到首先係燒味啲叉燒放入口時係暖笠笠油脂分佈啱啱好唔會好似食緊柴乾咁！之後再嚟個蒜蓉粉絲蒸聖子, 呢個就真係麻麻哋喇。唔知係唔啱時候食定係雪死咗先攞出嚟蒸食落感覺好似好實一啲都唔爽口冇鮮味唔緊要！我嘅巨型瀨尿蝦終於粉墨登場肉爽鮮甜加埋避風塘炒法～絕 再嚟就係主角避風塘炒蟹，肉蟹夠靚實肉炒得夠野味。再加埋個蟹油炒麵今日又飽到飛天喇。