影片
更多
2025-06-12
90 浏览
琴晚突然想食燒味，就去咗太興，貪佢出品穩定，夠曬平靚正。🥢油雞（下庄）作為太興招牌之一，油雞絕對冇令我失望！雞皮油亮滑溜，入口帶有陣陣鹵水香，雞肉嫩滑多汁，食落完全唔覺柴。下庄嘅份量都幾多，配埋白飯真係一流😋🥢上湯海味雜菜煲呢個煲一上枱就聞到陣陣香氣，湯底味道濃郁，帶有海味嘅鮮甜，煲入面嘅配料好豐富，有蝦乾、粉絲、草菇、西蘭花、白菜同埋木耳，清清地幾好食👍🏻🥢黑椒牛仔骨煲牛仔骨燜得好入味，黑椒香氣非常濃郁，帶有微微嘅辣勁，啱晒鍾意重口味嘅朋友。牛仔骨肉質軟腍，非常之惹味😍🥢鮮油多士最後甜品時間，點咗經典嘅鮮油多士。呢個真係充滿懷舊味道，外層煎得金黃香脆，加埋邪骨嘅厚切牛油，認真冇得輸🤤
🥢油雞（下庄）
作為太興招牌之一，油雞絕對冇令我失望！雞皮油亮滑溜，入口帶有陣陣鹵水香，雞肉嫩滑多汁，食落完全唔覺柴。下庄嘅份量都幾多，配埋白飯真係一流😋
🥢上湯海味雜菜煲
呢個煲一上枱就聞到陣陣香氣，湯底味道濃郁，帶有海味嘅鮮甜，煲入面嘅配料好豐富，有蝦乾、粉絲、草菇、西蘭花、白菜同埋木耳，清清地幾好食👍🏻
🥢黑椒牛仔骨煲
牛仔骨燜得好入味，黑椒香氣非常濃郁，帶有微微嘅辣勁，啱晒鍾意重口味嘅朋友。牛仔骨肉質軟腍，非常之惹味😍
🥢鮮油多士
最後甜品時間，點咗經典嘅鮮油多士。呢個真係充滿懷舊味道，外層煎得金黃香脆，加埋邪骨嘅厚切牛油，認真冇得輸🤤
张贴
