影片
更多
2018-12-29
226 浏览
最近天氣終於有少少冬天嘅感覺，跟住一凍少少就約埋班朋友去megabox嘅魚牧打邊爐。點解黎到megabox，其實係因為去ikea買嘢，住喺新界嘅我其實真係好少過嚟呢個商場，但係好耐冇黎，又會覺得呢度都幾多嘢食😁今次揀魚牧因為記得有同事介紹過，價錢中等，但係食物絕對高質！醬油皮蛋唔知點解鬼佬唔鍾意食皮蛋，靚嘅皮蛋可能係佢嘅晶瑩，亦都可能係佢嘅口感；呢度嘅皮蛋望落去都具備以上嘅優點，加上秘製醬油，係一個前菜好選擇。青瓜拌海蜇由細到大我都叫海蜇為橡筋，鍾意佢彈彈下嘅口感，鍾意佢嘅質地，其實海蜇本身唔會有太多味，佢嘅味道係黎自佢嘅醬汁。呢度嘅海蜇同青瓜都整得好清爽，咬落去發出卡卡聲。三個女仔叫一個滋補醉雞鍋份量唔算好大，隻雞散發出淡淡酒香，肉質香滑，半隻嘅份量其實肉唔算好多，但係味道整得非常好，所以我哋仲可以叫多幾款其他食物去試下。.配菜方面我哋揀咗魚片，手打墨魚滑同埋蔬菜拼盤。魚片比我想像中有驚喜！新鮮得來冇腥味，而且口感係有少少彈牙，冇骨非常喜歡。手打墨魚滑同樣，有口感，質地厚實，打得香滑，唔似加入咗其他配料去打成，原汁原味。蔬菜拼盤係為咗平行返食肉太多嘅選擇。蔬菜睇落翠綠新鮮，食落爽口甜
醬油皮蛋
唔知點解鬼佬唔鍾意食皮蛋，靚嘅皮蛋可能係佢嘅晶瑩，亦都可能係佢嘅口感；呢度嘅皮蛋望落去都具備以上嘅優點，加上秘製醬油，係一個前菜好選擇。
青瓜拌海蜇
由細到大我都叫海蜇為橡筋，鍾意佢彈彈下嘅口感，鍾意佢嘅質地，其實海蜇本身唔會有太多味，佢嘅味道係黎自佢嘅醬汁。呢度嘅海蜇同青瓜都整得好清爽，咬落去發出卡卡聲。
三個女仔叫一個滋補醉雞鍋
份量唔算好大，隻雞散發出淡淡酒香，肉質香滑，半隻嘅份量其實肉唔算好多，但係味道整得非常好，所以我哋仲可以叫多幾款其他食物去試下。
.
配菜方面我哋揀咗魚片，手打墨魚滑同埋蔬菜拼盤。
魚片
比我想像中有驚喜！新鮮得來冇腥味，而且口感係有少少彈牙，冇骨非常喜歡。
手打墨魚滑
同樣，有口感，質地厚實，打得香滑，唔似加入咗其他配料去打成，原汁原味。
蔬菜拼盤
係為咗平行返食肉太多嘅選擇。蔬菜睇落翠綠新鮮，食落爽口甜美，款式都幾多，所以三個人share都食到唔同款，值得推介！
.
一間中式嘅餐廳，有紅色嘅裝修，可以掛上聖誕飾物，營造到聖誕嘅氣氛，呢樣我簡直覺得連裝修都做到中西fusion👍
真係會容易俾佢個裝修呃咗以為係食辣嘢，其實呢度嘅打邊爐高質得黎又唔貴，可以encore!
张贴
