新記雞粥 (筲箕灣道)

营业中

休息中

趁星期日放假同老公媽媽，表弟一家六口食個晚飯，之後去睇演唱會，所以就相約近黃昏五點零就去食野，諗左好耐終於醒起成日想試呢間雞粥同小菜，所以由表弟一家揾位， 仲可以避開人潮添，因為逢星期六日門口都企滿人等位。揾定位發現原來還未過下午茶時段，所以快快叫個超厚西多士+配炸雞亦。好yummy真係好厚身，外表金黃微脆，內裡還有粗粒花生醬，更香更有口感，牛油蜜糖好香甜，無得輸實在大滿足。生炸雞亦好皮脆肉嫩多juicy呀魚腩豬潤砂煲粥粥頭帶米香又綿密，用鮮豬潤生滾食時夠嫩滑帶粉，而且有明目抗衰老非常有效用。貴妃雞粥雞肉夠晒惹味兼鹹香，配上綿綿粥品，好味！銀芽豉油王炒麵夠鑊氣，色澤夠深，十分彈牙！酥炸尤魚鬚香口野夠粗身，咬落彈牙但好鬆軟，熱辣辣。好正，好耐無食過咁新鮮同咁粗大條尤魚鬚。. 揚洲炒飯簡簡單單但味道最直接，粒粒炒飯，材料足，熱辣辣炒得夠均勻，火腿虾仁香蔥。