何蘭正

营业中

休息中

一路都知何蘭正無論環境同食物都好高質，今次終於有機會嚟食，入到去發現環境裝修都好新穎，好多地方都係打卡位。食物方面今次揀咗煎澳洲和牛臉配沙爹金菇汁櫻花蝦煎腸粉、24小時慢煮伊比利亞叉燒配煎日本太陽蛋紅洋蔥漬香噴噴香蔥豬油撈飯，飲品揀咗鹹梅西瓜沙冰，甜品就揀咗香滑開心果露QQ白玉丸子。香煎澳洲和牛臉肉質真係好嫩滑而且煎得好香口，配埋沙嗲汁食簡直一流，金菇切到碎亦都係另一個特色，而櫻花蝦煎腸粉就煎得好惹味，索曬d汁嘅味道。慢煮伊比利亞叉燒超腍超嫩滑，煎太陽蛋撈埋香噴噴嘅豬油飯食個口感絕對提升曬。西瓜沙冰入面有淡淡嘅鹹梅碎幾特別，亦反而提升咗西瓜嘅甜味。開心果露就之前未食過，估唔到原來好香口，連埋白玉丸子食超煙韌可口，係喜出望外之作。