某日下午見完客，見有啲時間，就獎勵一下自己食個下午茶啦。觀塘其實好多樓上cafe, 早輪因爲呢間餐廳有下午茶甜品放題而放入筆記名單，不過優惠既野真係唔等人，今次就試下個咖哩豬扒蛋包飯啦。
估唔到又幾好味喎，下午茶黎講份量唔細，豬扒好脆口，咖哩汁甜甜地，加埋木魚碎非常惹味！蛋都幾滑，整體比想像中好食
當日只係平日既3點幾，都坐左半場人，可見非常有人氣！唯一不足之處係，樓面有4，5個人行黎行去，但都無人留意到我檯上既餐具盒係吉既，想搵人拎啲餐具，但個個對眼都好似生喺頭頂咁，扮見唔到，如果侍應生既服務質素能提高，呢間cafe可再encore
