銘興山西刀削麵 (黃埔新邨) (已結業)

夏日炎炎冇嘜胃口，做完gym一心黎買冷麵外賣。平日有時經過，都見唔少人排隊。難得今日一點幾去到，冇咩人，不過個外賣都等咗成20分鐘。選擇都唔少，好似出名嘅係手撕雞，都聽到唔少人嗌豬軟骨。最後我揀左豬肚絲冷麵，返到屋企打開，見到配料都唔少，有青瓜、花生、蒜蓉，主角豬肚絲冇咩調味，味道主要靠麻醬同自己加既小辣。麵份量唔少，夠飽肚。價錢方面都係$40-50，可以跟飲品，性價比都算ok! 唔怪得成日見到入面座無虛席。