美食天堂 古香雞 (已搬遷) 新店位置

之前聽聞新開了一間賣清遠切雞又有椰皇燉湯的樓上餐廳，據說老闆選清遠雞得來從運輸的過程也做了些功夫去保持雞的鮮味。現場看來工場很大，因為他們有外賣包裝，剛還跟酒樓合作了供應切雞給他們。本來想堂食，但依家竟然冇咗，但我明明見到佢有枱燈，心諗死啦大大個椰皇燉湯點外賣呢，仲要大熱天時，但既然黎到梗係要食啦。我叫咗個招牌雞飯加個椰皇燉湯$68 ，依度最好嘅係要雞髀唔使加錢， 好難得，正常一定要加錢。他們的清遠雞比一般細隻，份量都好多，成個胸連脾俾哂我，飯另外一個盒裝。先講個飯，多水了一點，太軟，如果落得岩個水量，而隻米應該唔錯，好欣賞佢連配菜都有心機地搵蝦米煮過，唔錯。雞的確比一般冰鮮雞有雞味，但不大食到浸既湯味，唔太入味，雞胸算是嫩滑，本身賣點係薑蓉都唔洗點都夠味，但最後還是要用埋薑蓉先夠味。個椰皇燉湯是有清香椰子既湯，佢物盡其用地用左本身冰鮮雞唔要既雞腳加少量豬肉，龍眼，還有其他配料，而個價錢唔錯的。性價比我覺得不錯的。