大小姐冰室

营业中

休息中

平時幫襯開茶餐廳，今次呢間“大小姐冰室”，感覺稍為高級少少，整個佈置以橙色卡位為重點，簡單唔花巧，一於以食物質量取勝。晚市精選套餐有燉湯、小菜、白飯加飲品，價錢幾親民。首先有黨參、龍眼肉燉雞湯，雞肉出晒味，加埋黨參及龍眼肉，令到啖湯清甜回甘，好好飲，抵讚！跟住有熱辣辣咖哩牛腩煲，上枱時咖喱香味四溢，牛腩炆得好軟腍，仲有好多牛孖筋，加埋青紅椒及薯仔等配菜，相得益彰，用嚟配白飯，惹味又開胃。椒鹽肉排份量勁多，令人眼前一亮，雖然味道略淡，但勝在炸得香脆，令人不期然食多幾塊。另外飲品有仙草菠蘿冬瓜茶及華田暴龍脆脆，都各有特色，夠晒大杯又好飲，不妨一試。餐牌選擇夠多