八道韓式燒烤 (已結業)

星期天去完文化博物館就搵下附近有乜好食啦, 上 Openrice 見呢間好似唔錯又咁近, 就即刻過去睇下得唔得,因時間尚早, 只是六時許, 所以大把位, 兩個人坐落張四人枱都幾舒服。烤肉: 味道腌得真係幾好, 特別係金沙骨同豬扒, 稍嫌鬆肉粉落得太多, 尤其是牛仔骨, 不過咁既價錢又真係冇乜得投訴既。蔬菜: 種類也不少, 有粟米, 南瓜, 菠蘿, 蕃茄, 茄子, 生菜, 大蔥 等等.配菜: 芽菜, 豆腐及拍青瓜也不錯, 後上的泡菜反而是冇味及苦的, 大家下次去食可要每樣攞少少試下先, 因為落差實在太大!海鮮: 多春魚, 尤魚, 青口, 冇食飲品: 檸檬水及豆漿, 檸檬水比較淡味, 豆漿好似好飲 d!甜品: 芝士餅, 啫哩 冇食其他: 最特別係佢地居然有牛油法包, 將個包燒到燶燶地, 然後夾塊蕃茄及加一小塊生菜一齊食, 都幾好味架!整體覺得不錯, 下次應該會再黎食多次!價錢: $118 + 10% 食 90 分鐘, 飲品半價, 不過細枝裝啤酒 (e.g. Asahi) 都要 $28-32 一枝, 即係冇減!泊車有優惠, 消費滿一佰有一小時免, 最多一小時, 不過記得入閘拍完百達通後襟飛!