影片
128任饮任食，呢个价钱都唔太有期望，食物质素还可以，但食食下见到有食客将唔啱食嘅食物偷偷地倒返落去自助bar到，哇，见到都唔敢再拎个兜牛仔粒，生嘅都话可以烧熟啲杀菌，之后见佢地将食唔晒嘅哈密瓜放返出去，但又再拎西瓜，哇，阿婶...比返啲公德心好无，仲要教坏埋个孙女!
继续阅读
其实呢间嘅火炉真系十分不济！要大火无大火。店员又成日加冻水去炉边！搞到本身已经细火嘅爈连小小热力都无。坦白讲第一转已经烧左成个钟先叫食得落肚..正当我地见到火爈开始热嘅时候，有个貌似店长嘅好似教定闹钟定唔知有超能力咁 识自动走过泥加水，搞到个炉又再次冻返。总之，今次真系真真正正体验到「慢煮」！但唔系法式慢煮，而系「韩烧慢煮」！大家有机会不妨来试试💁🏽♂️不过要有心理准备，随时让你戒掉「韩烧」！
继续阅读
D炉垃圾到一个点！得个两个钟....个炉开左成粒钟先热..食到最后五分钟先见到星火！平时食韩烧系烧到面都红；依家系烧到面都青，越烧越冻，就如同该店嘅炉火般——星星炉火。d生肉对住d火真系想熟都难！仲有炉侧边围住一堆冻水咁想快啲热就难上加难！但D店员仲时不时加返D水上去！两个钟加左三次！咁就难上加难再加难！依家食韩烧搞到好似蒸野食咁！挽我咩！真系平野无好野！如果大家想食得尽兴D就宁愿比多少少钱食其他仲好！
继续阅读
星期六的晚上同屋企人去了楼下冬菇亭食韩烧。 话说这间八度之前曾经停了一段时间 ，听闻是因为没有续到饮食牌定消防牌？隔了差不多一年多的时间重开，我和家人便去试一试！价钱划一， 没有分日子和时段， 任饮任食两小时，成人$128加一，小童$98加一， 比起市区相对来说比较便宜餐厅食物种类不算特别多，但摆放得整齐干净， 而且有名牌标签各种食物， 店员亦refill得很快！食物味道都不错， 唯一个人觉得咖喱鱿鱼比较咸，辣的食物超级辣！！另外酱油都没有什么味道值得一赞的事除了韩式烧烤火炉中间还可以打边炉！同时亦都设有甜品和生果 和一些前菜。饮品柜有两个， 普通汽水和纸包饮品都有 值得一提的是有鸿福堂的一些凉茶和啤酒。$128加一每人埋单都只是$141,十分抵食ps. 店员服务十分参差，男店员都可见十分落力， 唯一一个女店员是问什么也答不到， 而且感觉到她是不想招呼客人的， 感觉十分差
继续阅读
未重整之前都有黎食过，相比之下宜家嘅食物质素好啲，比较新鲜啲。有新野食，食辣嘅朋友可以试下个麻辣鸡翼，个人觉得几正🤤。唔食辣可以试下猪颈肉都唔错。啲侍应都几有礼貌，问佢地啲咩都会好有礼貌甘答我，而且见我地个边炉好耐未滚，仲比个盖我地。啲冷伴唔错，食完几开胃，略带点微辣。不过甜品选择比之前少左啲，如果有番啲雪糕或者好似之前甘有cheesecake都唔错🤭，同埋差紧啲韩国款式嘅野饮。在概括黎讲都已经唔错👍🏻👍🏻
继续阅读