影片
更多
2018-12-30
36 浏览
因為朋友某日經過九龍城，影左呢張相，啲套餐好似幾抵食，我哋好快就決定訂位，冬至嚟食。 今日一行四人去左食蒸氣鍋，海鮮最好食就係清蒸，原汁原味，唔駛落任何調味料，咁就係最正。店員介紹$298同$398餐，長老揀左四個$298餐，其實可以混搭套餐嘅，不過既然長老決定，唯有遵命。等左陣，兩碟海鮮終於出場，陣容鼎盛。泰國海中蝦睇顏色就知好新鮮，個頭滿晒膏，夠晒滋味。深海龍躉片嫩滑之中帶點彈牙，魚味濃，睇個魚皮厚度就知係大魚👍🏻。翡翠九孔鮑魚同日本大元貝，水潤多汁，冇縮水喎。龍蝦係超大隻，肥美到連個頭同觸角位都爆晒肉，果然係野生。 熟左都冇半點縮水，好難得！ 顏色雪白，入口仲極之彈牙啖啖肉。越南頂角膏蟹或罕有大黃奄蟹揀一款？即係硬膏或軟膏嘅蟹揀，我地揀左軟膏，鍾意多到漏油嘅感覺。 除左爆瀉嘅蟹膏，蟹身亦都好厚肉，鮮甜味美。有機蔬菜用蒸嘅方法烹調，保持原來甜味，絕對唔可以放過！仲爭少少先夠飽？食個精華南瓜排骨靚粥暖暖胃啦。一大鍋四個人都食唔晒添！四人同行仲送椰汁燉燕窩呀，正！呢餐做冬真係好正，唔駛次次去酒樓食嘅！咁正嘅海鮮餐，酒樓邊食到呀
店員介紹$298同$398餐，長老揀左四個$298餐，其實可以混搭套餐嘅，不過既然長老決定，唯有遵命。
等左陣，兩碟海鮮終於出場，陣容鼎盛。
泰國海中蝦睇顏色就知好新鮮，個頭滿晒膏，夠晒滋味。
深海龍躉片嫩滑之中帶點彈牙，魚味濃，睇個魚皮厚度就知係大魚👍🏻。
翡翠九孔鮑魚同日本大元貝，水潤多汁，冇縮水喎。
龍蝦係超大隻，肥美到連個頭同觸角位都爆晒肉，果然係野生。 熟左都冇半點縮水，好難得！ 顏色雪白，入口仲極之彈牙啖啖肉。
越南頂角膏蟹或罕有大黃奄蟹揀一款？即係硬膏或軟膏嘅蟹揀，我地揀左軟膏，鍾意多到漏油嘅感覺。 除左爆瀉嘅蟹膏，蟹身亦都好厚肉，鮮甜味美。
有機蔬菜用蒸嘅方法烹調，保持原來甜味，絕對唔可以放過！
仲爭少少先夠飽？食個精華南瓜排骨靚粥暖暖胃啦。一大鍋四個人都食唔晒添！
四人同行仲送椰汁燉燕窩呀，正！
呢餐做冬真係好正，唔駛次次去酒樓食嘅！咁正嘅海鮮餐，酒樓邊食到呀
张贴
