影片
更多
2016-12-22
1429 浏览
好有驚喜嘅一個晚餐。冬至的晚上， 兩口子自己做冬嘅一個晚上，沒有選擇奢華嘅晚餐只係選擇平時鍾意食嘅。平常老公最愛食炸雞，呢間發現除咗炸雞之外仲會有我鍾意食嘅石鍋，滿足唒兩口子的需要。一如以往嘅韓國菜，一坐低就會有前菜俾你食。呢度嘅前菜係醃青瓜同埋泡菜。泡菜口味唔算太辣，但係酸度十足，非常之開胃。而青瓜會有少少嘅辣，但係醬油嘅味道更重。辣芝士年糕鐵板脆麵，呢一個淨係睇相已經吸引到我即刻好想叫，因為佢入邊有我不嬲都好鍾意食嘅煙un年糕，而且仲有我老公最鍾意食嘅脆麵。呢一個係我一百分推薦嘅食品，佢嘅年糕好軟，上面仲有一層非常之厚嘅芝士。夾上來嘅時候，芝士完全痴住舊年糕，非常之滿足。再加埋下面啲脆麵，仲有少少辣汁調味，配搭10分之好，勁好味！炸雞--有甜酸味同埋黑椒味。我哋就揀咗甜酸味。呢度嘅雞翼估唔到非常之大隻，佢果層脆皮係屬於厚身嘅脆皮，入面嘅肉仲好滑。拒調制嘅酸甜汁同出邊嘅唔同但係食落去好又會有獨特的風味，比出面更加好食。泡菜豆腐鍋--本身呢一個豆腐鍋入面每配有粉絲，如果你想轉白飯買這烏冬嘅都可以。入邊嘅材料除咗有豆腐同泡菜之外，仲會有牛肉。湯好重泡菜嘅味道，加埋有啲胡椒嘅香氣，惹味得來
平常老公最愛食炸雞，呢間發現除咗炸雞之外仲會有我鍾意食嘅石鍋，滿足唒兩口子的需要。一如以往嘅韓國菜，一坐低就會有前菜俾你食。呢度嘅前菜係醃青瓜同埋泡菜。泡菜口味唔算太辣，但係酸度十足，非常之開胃。而青瓜會有少少嘅辣，但係醬油嘅味道更重。
辣芝士年糕鐵板脆麵，呢一個淨係睇相已經吸引到我即刻好想叫，因為佢入邊有我不嬲都好鍾意食嘅煙un年糕，而且仲有我老公最鍾意食嘅脆麵。
呢一個係我一百分推薦嘅食品，佢嘅年糕好軟，上面仲有一層非常之厚嘅芝士。夾上來嘅時候，芝士完全痴住舊年糕，非常之滿足。再加埋下面啲脆麵，仲有少少辣汁調味，配搭10分之好，勁好味！
炸雞--有甜酸味同埋黑椒味。我哋就揀咗甜酸味。呢度嘅雞翼估唔到非常之大隻，佢果層脆皮係屬於厚身嘅脆皮，入面嘅肉仲好滑。拒調制嘅酸甜汁同出邊嘅唔同但係食落去好又會有獨特的風味，比出面更加好食。
泡菜豆腐鍋--本身呢一個豆腐鍋入面每配有粉絲，如果你想轉白飯買這烏冬嘅都可以。入邊嘅材料除咗有豆腐同泡菜之外，仲會有牛肉。湯好重泡菜嘅味道，加埋有啲胡椒嘅香氣，惹味得來又開胃。
辣醬豬頸肉石頭鍋飯--呢個石頭鍋都好好味，鍋底有飯焦。豬頸肉用辣醬炒完之後非常之惹味，肉身諗得來又好爽口。再加埋韓式嘅辣椒醬撈多兩下，神來之筆。
兩個人食到捧住個肚走，十分之滿足。呢餐都只不過係二百幾蚊，又抵食，又好食。過左個完美嘅冬至，好快就要迎接下一年嚕。
张贴
