心之食堂 (裝修中)

心之食堂個名好日本風，一直都想試！今次搵咗朋友同我一齊上去試吓先。餐廳有啲南瓜仔佈置，萬聖節嘅氣氛。🎃💫見呢度咁有日本風，就叫咗啲刺身、壽司同埋啲熟食。😊三文魚壽司，餐廳俾咗好多三文魚腩嘅位我哋😍，好友色澤，食落新鮮魚味。黑松露帆立貝串，食法好特別，餐廳用咗竹籤穿住啲帆立貝刺身。黑松露味好重，帶子刺身都鮮甜。👍🏻海膽蟹子杯，上面鋪滿海膽，海膽有甜味😍。底下就鋪左好多蟹子飯，如果用魚子應該襯托得更好。😎彩虹卷，色彩繽紛，壽司上面鋪左粒粒蟹子，入邊嘅餡係炸蝦同埋青瓜，食落味道幾夾幾脆口。燒豬頸肉串，好好味👍🏻，啲香草味好濃，而豬頸肉肉質都鮮甜新鮮。餐廳燒到啲邊脆脆地幾可口！汁燒牛肉飯唔簡單，啲牛肉算厚身😊！唔係薄切，牛味濃郁，加埋啲洋蔥好味！冬日限定嘅壽喜鍋，個鍋湯底甜甜地，同啲食物好夾，提升食物嘅鮮甜味。火鍋料有好多唔同嘅菇類，日本菇、金菇、香菇，仲有好多好似堆積成花嘅牛肉。