牛陣 (已結業)

我同朋友好耐都無食過牛陣了，今日行完街突然興起上左去食返轉牛陣，冬天打邊爐最有feel架喇。上左去叫左個美人和牛套餐，個湯底係配雞湯，試左啖湯都幾正。等左陣啲和牛到喇，啲和牛雪花紋分怖得勁靚！食落同以前唔同左好多，宜家啲牛靚過以前好多，入口就有溶化既感覺，完全停唔到口，keep住refill啲和牛既質素都完全無下跌。出面仲有好多蔬菜、豆卜、丸、烏冬等等，食牛食到悶悶到仲可以叫豬同雞。最尾仲有水信玄餅作結呢度另一個賣點就係任食Haagen-Dazs，今次想唔肥死都唔得了，睇黎要好好減下肥先可以再食！