田中寿司 (已結業)

天氣凍緊係要嚟個熱辣辣嘅鍋䁔一䁔。係荃新天地商場比呢個餐廳門口吸引左，有成條吞拿魚嘅模型，幾特別。食物方面有一貫日式料理嘅刺身、壽司、小食等。而且仲有一個冬日限定味噌二人鍋，決定試吓啦～餐廳嘅裝修擺設都唔錯用心，而且座位之間仲會有竹廉相隔，隱私度高👍🏼。名古屋赤味噌鍋二人前 $588主食胡麻豆腐沙律🥗沙律菜撘配嫩滑豆腐，再淋上香濃嘅胡麻醬，食落舒服清新田中血合血合肉第一次聽，原來營養價值好高。含豐富牛磺酸。有助維持正常血壓，但味道方面就明顯重好多，食嘅時候建議記得同姜，洋蔥一齊入口，中和一下本鮪三貫盛包括鮪魚必食嘅三個部份（赤身、中拖羅、大拖羅各兩貫）赤身肉質較為結實有咬口，中拖羅冇筋，甘香魚味重。而大拖羅就油分多啲串燒4本串燒微焦香，最推係翠肉瓜，每次食串燒都會叫☺️紅豆鯛魚燒滿滿紅豆🫘蓉，鯛魚燒焗熱後亦都唔會好乾赤味噌鍋有雞肉丸、牛腸、蔬菜、腐皮同埋豚肉。後面三樣仲可以無限添，絕對會非常飽。而湯底亦可以選擇辣度。食到最後將飯，雞蛋同芝士一齊落鍋。店家介紹係名古屋特別食法，意外又幾好食喎，口感特別😆。