田中寿司 (已結業)

最近天氣凍凍地，真係超適合打邊爐，但係我同朋友又唔想打港式火鍋咁肥膩，上網搵到呢間居酒屋，前推出一個名古屋赤味噌鍋二人前，就一於過嚟試吓餐廳環境裝修得非常有日本風格，以木系做主打，門口有大大條吞拿魚做裝飾，一睇就知主打食Toro，呢一個名古屋赤味噌鍋二人前，除咗包括豚肉火鍋，仲有吞拿魚壽司🍣，沙律🥗，串燒，甜品🍮，都只係$588，CP 值非常高，豚肉，蔬菜，日本年糕仲係任食，包你食到捧住個肚走✨胡麻豆腐沙律沙律菜非常新鮮爽脆，用咗日式豆腐，超嫩滑，豆味濃，仲有蕃茄仔加胡麻醬，酸酸甜甜好開胃✨田中血合呢個配搭第一次食，係吞拿魚肉加少少吞拿魚血，但味道一啲都唔會腥，好特別✨日替串燒四本分別有冬菇、雞軟骨、雞肉、秋葵，串燒火喉控制得剛剛好，醬汁嘅味道都恰到好處，燒完嘅雞肉仲可以保留肉汁✨本鮪三貫盛分別有赤身、中拖羅、大拖羅，果然係食吞拿魚嘅專門店，Toro無令我失望，大拖羅入口即溶，魚油脂係口裡面爆發，亦都食到魚嘅鮮甜味，中拖羅都非常之突出，比起出面一般嘅中拖羅更重油脂感✨名古屋赤味噌鍋黎到今日嘅重頭戲，味噌鍋叫咗小辣，湯底味道唔會太鹹，好重嘅麵豉香氣，配菜最特別就係有牛腸，牛腸清洗得好乾淨