潮福蒸氣火鍋 (已結業)

天氣開始轉涼，又係食雞煲既日子。早年雞煲盛行，開到成行成市，但係質素非常參差，亦令到我中過唔少伏。今次經朋友介紹過黎，所以都十分期待。呢個重慶雞煲，唔會一味得個辣字，再加極濃味湯底。因為咁樣只係用黎掩飾隻雞既雪藏味。相反，呢個煲味道比較淡，可以食得出雞件十分新鮮冇雪味，值得一讚。先食完雞，個湯都唔係又杰又濃，可以放心落配菜。比較特別既係帶子切片，口感比原粒更爽滑更清甜。仲有個腐皮都值得一讚，即叫即炸，唔會淋晒，食完即刻再叫多碟。我地一路食一路傾計，都加咗幾次湯，但奇怪都冇變到好淡冇味，呢樣都好抵讚。我諗呢個冬天都會再黎多幾次，絕對極得一試！