鍋霸吃到飽台式養生火鍋 (莊士倫敦廣場)

营业中

休息中

雖然香港而家嘅冬天唔算好凍，但係冬天打邊爐，仍然係非常吸引嘅聚會選擇！約咗朋友喺油尖旺食飯，最後揀咗喺佐敦打邊爐！地理位置超方便，基本上出咗地鐵站，過條馬路就係豐儉由人，就算正價都可以超抵食！Prime grade 牛肩胛肉及西班牙冇激素豬肉片，肉既質素超好！有圖有真相！第一次落單，啲肉好靚！冇激素豬肉片，放落去胡椒豬肚湯，令到肉片味道非常甜，非常推薦！跟住之後再叫咗三四round, 都一樣係咁靚！牛肩胛位置其實好好，冇乜肥膏，口感都幾滑，配麻辣蕃茄湯，蕃茄嘅味道同牛肉非常夾，好食！除咗肉，佢哋仲有好多款火鍋配料，最重要嘅係唔使下下自己出去拎，全部都係喺電話落單，專人拎過嚟，仲好有效率！好開心依度有好多款新鮮蔬菜可以選擇，但我今次發現一個新嘅食法，就係食涼拌嘅青瓜同木耳，取替蔬菜，貪佢夠爽口呀嘛😄😄多款自家製餃子，實在食唔到咁多，淨係揀咗韭菜餃。餃子皮係軟糯嘅感覺，韭菜餡料豐富炸物，炸魚皮，仲可以加埋佢哋自家嘅味粉。非常非常推薦嘅，係佢哋嘅墨魚丸，加少少海苔粉，超正甜品方面，只可以揀一樣，不過選擇都好多，而且全部都係性價比超高嘅雪糕呀！我揀咗椰子味，清新，超滿足！