火鍋撚 (染布房街) (已結業)

疫情之下，個個都好少會再出去打邊爐，令到呢一間食物質素極高嘅餐廳都少咗好多人流，而重點當然係：佢都係懲罰名單嘅其中一間！當日叫咗一個麻辣湯底同埋酸菜白肉鍋，酸菜白肉鍋嘅味道呢就一般般，酸度唔夠。不過麻辣鍋就好正啦，麻到連個嘴唇都痺左，但係佢又唔會嗆喉喎！仲越煲越辣添到打邊爐啲料啦，安格斯牛小排油花比例完美，真係食到入口即溶嘅感覺！羊肉片都好重羊味但一啲都唔氈，豬肉片就相對失色咗啦！不過餐廳有少少唔環保，佢嘅碗筷同埋裝豉油嘅碟都轉咗做即棄餐具。希望疫情早日完咗，可以同三五知己再去打個邊爐！