燒肉酒場 (已結業)

秋冬天氣開始漸涼 , 涼涼哋想食啲熱辣辣嘅食物。經朋友介紹有間食燒肉嘅日本餐廳 , 一聽到就好想去試吓。呢間燒肉酒場環境充滿日本風味 , 好似去左旅行咁 , 一於打個卡相機食先。夜晚去食估唔到相當熱鬧 , 約埋朋友兩個人食燒肉飲吓酒傾吓計 , 把酒談心 , 心情都幾放鬆舒服 , 開心食飽飽 , 係人生一大樂事😋🥂 未開始食肉之前 , 先食蕃茄蒜子沙律同椰菜絲沙律 。濃香蒜蓉配蕃茄感覺好清香 , 椰菜沙律新鮮又健康🍀西京豬頸肉肉質相當肥美 , 好香口，適合鐘意食肉嘅食肉獸🤤 美國牛板腱肉質嫰滑細緻 ,柚子雞腿肉酸酸甜甜 , 好開胃同惹味可口。蒙古羊卷肉同紐西蘭羊腿 , 經烤熟後香氣樸鼻 , 有陣陣羊嘅氣味，肉質較為煙韌 。石鍋羊肉拉麵軟身 , 容易咀嚼入口 , 食到雪雪聲。羊湯底味道濃郁 , 羊肉薄切更細嫩 , 如果喜歡食羊係不錯嘅選擇😍飲品方面 , 我選擇左檸檬威士忌梳打 , 飲落好新鮮 , 刺激吓味蕾🍋🍸