一杯鐵板燒居酒屋

营业中

休息中

朋友趁暑假從外國回來探訪，想吃吃居酒屋食物，記得呢間位於APM的「一杯」質素不錯，今晚再來，仍能保持水準！餐廳的《特選四人前料理》，啱晒同朋友或家人一齊share。豚肉沙律清新開胃，配搭和風醬汁好醒神。刺身四品—油甘魚、赤蝦、三文魚同磯煮鮑魚，每款都夠新鮮肥美，口感豐富鮮甜。海の幸海膽卷驚喜十足，海膽鮮味，卷得緊緻唔散。牛舌鹽燒同免治雞肉串燒香氣四溢，牛舌彈牙帶鹽香，雞肉串嫩滑多汁。鯛魚野菜石鍋湯暖笠笠，湯水鮮甜，帶啲大地滋味。鐵板A4和牛薄燒色澤誘人，肉質嫩滑帶油香。蟹肉炒飯份量十足，粒粒乾爽香口，蟹味突出。最後芒果牛乳奶凍甜品柔滑細膩，芒果香甜配乳味濃郁，好好平衡整餐嘅味道。呢餐朋友們都吃得非常滿意。