影片
更多
2016-01-13
307 浏览
三個月前同老婆拍拖食過宏，已經覺得佢係幾好食，今日再去The One行街經過宏，當然要食過番尋味！ 裝修同menu都同上次去既一樣，今次同老婆都想試試上次冇食過既野。兩個人叫左和風溫泉玉子海藻麵意粉套餐同埋炸豬排飯套餐。 和風溫泉玉子海藻麵意粉，其實上次食過類似呢個，已經覺得唔錯。今次再食覺得佢既青草味更突出，湯清又少油。意粉上有一點點既海藻係上面，整個意粉食起上嚟好健康！ 炸豬排飯，其實上次食過咖哩炸雞飯已經覺得好好食，今次試下炸豬排，同樣炸粉唔厚，豬排冇骨，肉嫩細件好入口。值得一提係跟餐仲有個熱烏冬，雖然佢只係熱湯烏冬，但係唔馬虎，覺得幾好食，同時又令呢個餐變得抵食左。 兩個餐都有跟甜品，一個選左馬卡龍，一個選左抹茶蛋糕。本身自己麻麻地鐘意食馬卡龍，所以都冇咩特別。搽茶蛋糕保持到之前食既水準，又夠creamy，每次既必食之選！ 餐飲加錢轉左初茶，初茶姐係頭啖既綠茶，上枱既時候用個熱茶壺載住。味道非常獨特，有別於一般綠茶/搽茶，茶香非常之清新，入口少甘又清，估唔到一間都餐廳可以試到咁正既茶！一問之下原來呢隻係貴價茶，亦可以就
裝修同menu都同上次去既一樣，今次同老婆都想試試上次冇食過既野。
兩個人叫左和風溫泉玉子海藻麵意粉套餐同埋炸豬排飯套餐。
和風溫泉玉子海藻麵意粉，其實上次食過類似呢個，已經覺得唔錯。今次再食覺得佢既青草味更突出，湯清又少油。意粉上有一點點既海藻係上面，整個意粉食起上嚟好健康！
炸豬排飯，其實上次食過咖哩炸雞飯已經覺得好好食，今次試下炸豬排，同樣炸粉唔厚，豬排冇骨，肉嫩細件好入口。值得一提係跟餐仲有個熱烏冬，雖然佢只係熱湯烏冬，但係唔馬虎，覺得幾好食，同時又令呢個餐變得抵食左。
兩個餐都有跟甜品，一個選左馬卡龍，一個選左抹茶蛋糕。本身自己麻麻地鐘意食馬卡龍，所以都冇咩特別。搽茶蛋糕保持到之前食既水準，又夠creamy，每次既必食之選！
餐飲加錢轉左初茶，初茶姐係頭啖既綠茶，上枱既時候用個熱茶壺載住。味道非常獨特，有別於一般綠茶/搽茶，茶香非常之清新，入口少甘又清，估唔到一間都餐廳可以試到咁正既茶！一問之下原來呢隻係貴價茶，亦可以就咁買茶葉番去泡。
食完最後整多個抹茶芭菲，好大杯用料好豐富，睇得又食得。入面有好多層唔同既食物，二個人食share就岩岩好。
估唔到士別三個月，宏依然保持水準，卻又比到驚喜我。十分期待下次再試宏既其他野！
张贴
