影片
更多
2018-08-16
124 浏览
食過一次OMAKASE 之後就愛上左, 依家食飯時搵餐廳都會留意下邊間有做OMAKSASE, 見到鮨真個評價都幾好, 於是就同老婆去試下啦.呢到有有三款餐 - 菊、櫻、壽, 我地就選左菊餐。菊餐有7款刺身, 5款壽司, 一個湯同甜品先首先黎嘅係前菜， 北海道粟米同蕃茄。 個粟米係刺身黎， 生嘅， 但個甜味係超孚我想象， 而且佢係冰鎮， 清甜，多汁， 清涼嘅感覺一擁而上。未上刺身前, 先上左塊鹽板, 上面有柚子皮, 係俾一陣間刺身調味用刺身上枱啦， 店員教鯛魚可以夾埋啲蔥， 再係鹽皮上沾幾下， 唔使用豉油 個味道好特別，小小鹹味加上好突出嘅柚子味，食得好清新。 其他刺身就比較鍾意鰹魚，鳥貝， 池魚王同拖羅。鰹魚燒到個皮有小小脆，食落去嘅時候魚味比較重，但個皮脆口感覺又拎到食到去有多個層次感。 鳥貝食開落去有啲似象拔蚌，比象拔蚌爽口但一樣咁鮮甜。 池魚王， 好滑身， 但肉質又好有彈性，好有咬口。最後係拖羅， 入口即溶， 一啲筋都冇， 魚油香係個口到停留左好多 至於壽司就有北海道海膽, 赤貝, 池魚, 油甘魚同燒佐口魚群邊。 海膽鋪滿成個軍艦， 清甜， 新鮮， 一啲腥味都冇。池魚， 可能候
呢到有有三款餐 - 菊、櫻、壽, 我地就選左菊餐。菊餐有7款刺身, 5款壽司, 一個湯同甜品
先首先黎嘅係前菜， 北海道粟米同蕃茄。 個粟米係刺身黎， 生嘅， 但個甜味係超孚我想象， 而且佢係冰鎮， 清甜，多汁， 清涼嘅感覺一擁而上。
未上刺身前, 先上左塊鹽板, 上面有柚子皮, 係俾一陣間刺身調味用
刺身上枱啦， 店員教鯛魚可以夾埋啲蔥， 再係鹽皮上沾幾下， 唔使用豉油 個味道好特別，小小鹹味加上好突出嘅柚子味，食得好清新。 其他刺身就比較鍾意鰹魚，鳥貝， 池魚王同拖羅。鰹魚燒到個皮有小小脆，食落去嘅時候魚味比較重，但個皮脆口感覺又拎到食到去有多個層次感。 鳥貝食開落去有啲似象拔蚌，比象拔蚌爽口但一樣咁鮮甜。 池魚王， 好滑身， 但肉質又好有彈性，好有咬口。最後係拖羅， 入口即溶， 一啲筋都冇， 魚油香係個口到停留左好多
至於壽司就有北海道海膽, 赤貝, 池魚, 油甘魚同燒佐口魚群邊。
海膽鋪滿成個軍艦， 清甜， 新鮮， 一啲腥味都冇。
池魚， 可能候先食完池魚王， 呢個壽司就覺得有啲比下去啦
燒佐口魚群邊， 感覺比平時食嘅油份更多， 更香。 同平時食嘅好唔同。
大蜆麵豉湯
真係好大隻蜆係入面， 麵豉湯一啲都唔咸，仲有小小蜆嘅鮮味。
最後係甜品， 我選左杏仁咖啡雪糕。 咖啡味好濃， 而每一啖都食到有杏仁粒， 我好鐘意雪糕入面有啲野咬下， 呢個甜品好啱我。
张贴
