影片
更多
2021-02-08
1869 浏览
相隔5個月再訪呢度，因為餐廳最近轉咗全新嘅餐牌整體感覺比第一次嚟嘅時候好好多呢！座位佈局不變，但可能已經有太多再新啲嘅餐廳，週末嚟到都唔洗點等位了。(而且我見可以喺openrice訂座添)餐牌除咗之前已經有嘅小食/全日早餐/酸種包，新增唔少更加值得點同好味嘅主食，例如意粉、意大利飯、素肉漢堡、春雞等，定價$98-148，午市時段點主食附咖啡或茶 (可加錢升級其他)紅酒燴牛肋骨配蕃薯蓉 $148大蝦南瓜意大利飯 $128兩份主食味道都唔錯，擺盤靚牛肋骨入味，唔係腍到阿婆都食到嗰隻，仲有肉嘅口感。我幾鐘意蕃薯蓉墊底，微甜不膩～南瓜意大利飯味道討好，唔會太硬微微煙韌，蝦肉都好爽。紫薯心太軟配乳酪雪葩 $88焙茶窩夫 $88之前食過佢哋嘅招牌小班戟，我就唔係太鐘意。今次試咗窩夫同心太軟 前者香脆，有焙茶香，淋醬味道濃郁略甜，連埋窩夫一齊食就啱啱好至於心太軟，流心程度可以再澎湃啲添，伴碟嘅乳酪雪葩好fresh㗎！PiccoloWhite Peony with Rose
座位佈局不變，但可能已經有太多再新啲嘅餐廳，週末嚟到都唔洗點等位了。(而且我見可以喺openrice訂座添)
餐牌除咗之前已經有嘅小食/全日早餐/酸種包，新增唔少更加值得點同好味嘅主食，例如意粉、意大利飯、素肉漢堡、春雞等，定價$98-148，午市時段點主食附咖啡或茶 (可加錢升級其他)
紅酒燴牛肋骨配蕃薯蓉 $148
大蝦南瓜意大利飯 $128
兩份主食味道都唔錯，擺盤靚牛肋骨入味，唔係腍到阿婆都食到嗰隻，仲有肉嘅口感。我幾鐘意蕃薯蓉墊底，微甜不膩～
南瓜意大利飯味道討好，唔會太硬微微煙韌，蝦肉都好爽。
紫薯心太軟配乳酪雪葩 $88
焙茶窩夫 $88
之前食過佢哋嘅招牌小班戟，我就唔係太鐘意。今次試咗窩夫同心太軟 前者香脆，有焙茶香，淋醬味道濃郁略甜，連埋窩夫一齊食就啱啱好
至於心太軟，流心程度可以再澎湃啲添，伴碟嘅乳酪雪葩好fresh㗎！
Piccolo
White Peony with Rose
张贴
