三品 燒鳥專門店 (已結業)

今次Echo 下這小店，要試下保唔保持到水準。焼三文魚干，好intense 的三文魚味，唔腥，送酒不錯！蟹籽沙律，好清新，沙律醬唔多，青瓜絲爽口同蟹柳好夾。煙肉蠔：煙肉的咸香令蠔更有口感，味道更為豐富。串燒牛肋肉：外脆內軟，有爆汁的感覺，又有肉味，百食不厭！串燒雞肉棒：自上次去別的串燒店食過之後，立即分得出高下。這兒的旦汁醬汁令雞肉軟骨棒更好味，味道無咁單一，這個是必點之物。燒冬茹：清清地，勝在有茹的香味同茹汁，不錯！燒牛舌：依然美味，爽爽口感，又juicy, 如果吾係怕肥，真係叫多兩串！燒雞翼：皮脆肉嫩，一D都唔乾，仲起左骨方便食！總結：keep 到高水平，可以一訪再訪。