街坊Cafe (已結業)

自從上次同同學嚟過一次呢度敘舊，同屋企人提起，佢哋都好有興趣，所以今日再嚟。餐廳有大半座位係卡位，坐落都比較闊落，裝修都好有特色。餐牌嘅選擇都多，難到有選擇困難症既我。最後揀左鐵板燒美國榖飼肉眼扒配薯蓉order 左五成熟，肉質好鮮嫩，牛肉味好濃。南瓜帶子燴意大利飯賣相已經好 colourful, 個飯加左蟹籽，多左層口感，南瓜飯有好濃既南瓜味，好鮮甜，個帶子煎得有技巧，可以煎到帶子面有焦脆，但入面 d肉一 d都唔老，除左帶子之外，仲有蜆喺裏面，食落都好鮮甜。抹茶吉士雞蛋仔伴雪糕雞蛋仔係即刻整，所以做到外脆内軟配咗一個雪糕球同埋有啲爆谷，咁樣嘅配搭幾特別口感豐富。