影片
更多
2022-07-11
39 浏览
燒牛肉配田園沙律 $68 沙律菜好新鮮爽脆，唔會有苦澀味😄啲芝麻醬都落得好大方，唔會食食下冇晒醬👍🏻燒牛肉都有大大片七八片，上面仲有啲黑椒碎，完全唔會太咸。而且因為我哋嗌左好多炸物，沙律真係用嚟解膩一流‼️+$20 戴安娜套餐送38蚊嘅飲品，不過想飲啲特別嘅，就加左二十試下佢個花茶，入面有紫玫瑰花、紅玫瑰花、洋甘菊、薰衣草，洋甘菊同薰衣草嘅味道好出，淡淡嘅花茶仲會有蠟燭不斷加熱，值得一試😆煙三文魚野菌忌廉燴闊條麵 $86 有三塊長嘅煙三文魚，係完整冇碎嘅，而且唔會好咸。個忌廉汁好濃好creamy ，配埋勁掛汁嘅闊條麵，好滿足！啲野菌都好足料，食到最後都仲會有剩👍🏻配西柚綠茶西柚綠茶係$38所以唔洗加錢，涷飲都唔洗額外加！真係非常難得👍🏻除左西柚汁同綠茶之外仲會落啲椰果😚特級海鮮拼盤 $128魚手指、 炸蝦 、炸蟹鉗、炸帶子、吉列蠔所有炸物都係即叫即炸，熱辣辣脆卜卜，麵包糠裹得好足，外酥內軟，帶子大大粒，蠔冇腥臭味，其他都係水平之上，而且每種都有三件，好抵食！香草芝士條 $62一定要即上即食，仲可以享受拉絲嘅樂趣！芝士控一定唔可以錯過！炸粉又唔厚，一啲都唔膩，我一個人都可以食晒一盤😋墨西哥
燒牛肉配田園沙律 $68
沙律菜好新鮮爽脆，唔會有苦澀味😄啲芝麻醬都落得好大方，唔會食食下冇晒醬👍🏻燒牛肉都有大大片七八片，上面仲有啲黑椒碎，完全唔會太咸。而且因為我哋嗌左好多炸物，沙律真係用嚟解膩一流‼️
+$20 戴安娜套餐送38蚊嘅飲品，不過想飲啲特別嘅，就加左二十試下佢個花茶，入面有紫玫瑰花、紅玫瑰花、洋甘菊、薰衣草，洋甘菊同薰衣草嘅味道好出，淡淡嘅花茶仲會有蠟燭不斷加熱，值得一試😆
煙三文魚野菌忌廉燴闊條麵 $86
有三塊長嘅煙三文魚，係完整冇碎嘅，而且唔會好咸。個忌廉汁好濃好creamy ，配埋勁掛汁嘅闊條麵，好滿足！啲野菌都好足料，食到最後都仲會有剩👍🏻
配西柚綠茶
西柚綠茶係$38所以唔洗加錢，涷飲都唔洗額外加！真係非常難得👍🏻除左西柚汁同綠茶之外仲會落啲椰果😚
特級海鮮拼盤 $128
魚手指、 炸蝦 、炸蟹鉗、炸帶子、吉列蠔
所有炸物都係即叫即炸，熱辣辣脆卜卜，麵包糠裹得好足，外酥內軟，帶子大大粒，蠔冇腥臭味，其他都係水平之上，而且每種都有三件，好抵食！
香草芝士條 $62
一定要即上即食，仲可以享受拉絲嘅樂趣！芝士控一定唔可以錯過！炸粉又唔厚，一啲都唔膩，我一個人都可以食晒一盤😋
墨西哥雞翼 $66
甜甜辣辣嘅，係唔食得辣都可以食到嘅程度，除左雞翼之外，仲有三色椒同菇，雞翼嘅表面都有處理過係比較硬脆，咬落入面就好juicy好嫩😍
總括嚟講都好推薦大家去，因為佢冇限時，想約一大班friend嘅話都有包廂，而且仲有提供broadgame俾大家玩，Lunch set最貴都只係$86，而且係夠飽大份好食嗰隻，大家行過旺角都可以上去試吓！
张贴
