古今二 (The ONE)

营业中

休息中

是日於尖沙咀想食日本菜，自然諗起呢間新式日式餐廳，所以決定再訪一次，試下唔同嘅菜式，果然冇令人失望。▪️蟹柳沙律用料唔算特別，但分量巨大，口味火辣，十分開胃。▪️野菜天婦羅有紫薯，茄子同金菇，炸得乾身，外層炸皮厚薄適中，香口而新鮮。▪️超級龍卷風內有鰻魚、海老、芝士、青瓜和脆片。海老是炸過的吉列蝦，炸得酥脆。味濃嘅鰻魚，配上清新爽脆的青瓜，味道有層次感。加上脆片半溶的芝士，口感都十分豐富。▪️清酒煮蜆大大粒嘅蜆肉，加上菇類嘅清甜，微微嘅酒香，特別適合冬天享用。食物選擇多，分量充足，美味亦出色，相信再有機會都會再三光顧。