影片
更多
2011-05-09
49 浏览
估唔到咁快就有機會再來名仕餐廳，終於食到半自助餐，不過係午餐，唔係晚餐。同baby1點鐘去到，可以食到2點半, 都ok，唔使趕住食。 第二次去，所以今次知道門口在哪裡。雖然係下午時間，不過見到藍藍金金色的餐廳，加上大型水晶吊燈，依然都係好有浪漫歐陸 feel。今次生意比上次好，可能下午時間有附近上班族幫襯，都有半滿!依然係3個侍應，不過服務都幾快，坐低一分鐘已經有水飲有menu, 好快決定左食半自助餐，主菜5選1，其中一個係龍蝦菜式要加錢。同baby分別揀好main course, 愛吃肉的baby揀了蜜餞鴨胸配芥茉籽砵酒汁，我揀了焗茄子伴燴雜菜配香草油。揀好就可以出去拎頭盤，選擇不多，只有幾款壽司同凍海鮮，凍海鮮有甜蝦、青口同螺之類，都係大路貨色，每樣吃1件就算，不算差又不算好，就係蝦有蝦味咁囉! 反而有個cesar salad counter幾吸引，即叫即撈，個sauce 酸酸地又有芝士味，可以另加芝士粉! D菜好爽，而且炸麵包粒真係好脆又夠味，好好食，不知不覺食左一大碟。食完頭盤等左幾分鐘，main course上場，先送來係baby個鴨胸。Waiter亦都係好醒目地知我地sha
第二次去，所以今次知道門口在哪裡。雖然係下午時間，不過見到藍藍金金色的餐廳，加上大型水晶吊燈，依然都係好有浪漫歐陸 feel。今次生意比上次好，可能下午時間有附近上班族幫襯，都有半滿!
依然係3個侍應，不過服務都幾快，坐低一分鐘已經有水飲有menu, 好快決定左食半自助餐，主菜5選1，其中一個係龍蝦菜式要加錢。同baby分別揀好main course, 愛吃肉的baby揀了蜜餞鴨胸配芥茉籽砵酒汁，我揀了焗茄子伴燴雜菜配香草油。揀好就可以出去拎頭盤，選擇不多，只有幾款壽司同凍海鮮，凍海鮮有甜蝦、青口同螺之類，都係大路貨色，每樣吃1件就算，不算差又不算好，就係蝦有蝦味咁囉! 反而有個cesar salad counter幾吸引，即叫即撈，個sauce 酸酸地又有芝士味，可以另加芝士粉! D菜好爽，而且炸麵包粒真係好脆又夠味，好好食，不知不覺食左一大碟。
食完頭盤等左幾分鐘，main course上場，先送來係baby個鴨胸。Waiter亦都係好醒目地知我地share食, 上菜時自動俾埋兩隻碟同多1set餐具。鴨胸有蜜糖味,少少甜，味道又帶鹹香，又甜又鹹好特別。值得欣賞係個伴碟都唔馬虎，有燴梨又有薯蓉，燴梨又甜又軟，酒味唔重；薯蓉真係好滑好creamy,少少奶味令佢更加好食。
食左幾啖就到我個焗茄子上檯。 又係有滑溜走薯蓉, yeah I like it! 大茄子裡面係釀住雜錦疏菜，用左香草油同番茄醬煮，呀，仲有蒜頭味，味道就好似─ 加左蒜頭的羅宋湯湯料，不過酸咪咪都幾醒胃，奉勸不吃蒜的人不要試，吃時蒜味不重，但個味道都留在口入面好耐先散。
最後在甜品櫃拎左幾件好迷你的甜品，甜品款式大約10款，都係用碟/杯裝的一口size, 俾人多試幾款，又唔怕被切到爛泥一樣。試左1個紅莓mousse, chocolate brownies 同埋cheesecake, 味道ok, 唔會過甜，chocolate brownies最好味。因為甜品數量好少，又要幾乎食晒先有廚師refill, 所以要encore 心頭好非常難，要扣分。不過對我本人就影響不大，因為主菜portion幾大，之前又食左一大碟salad, 所以甜品食唔到幾多。
p.s. 今次用左8折咭, 係連加一服務費都折埋架!每人大概HK$270, 食環境都抵啦，食物都ok, 所以感覺幾抵。
张贴
