采蝶軒 (已結業)

今晚和家人第一次去,完全因那地方就腳.之前已看過這間餐\館很多食評,預測又貴又唔好,不過那些食評唔update,以為過了咁耐,仲唔執,可能有進步,點之真係中招.海皇羮有好大陣腥味,片皮鴨的鴨皮又鞋又無味,用來包鴨的餅皮太細太thin,根本包唔住,皮邊太乾,未來得及吃已變硬了(早知去隔離北京樓好過),鴨肉生菜包的西生菜洗完濕漉漉就上枱,咁貴扮高級食肆,居然唔識索乾水先給客人,海鮮炒河好多油,海鮮又係無味,唔洗問阿貴,一定是急凍貨,椒鹽炸豆腐居然有甜味,無理由架,又唔係甜品,茘芉香芹北菇煲一pat野,賣相九流,又太咸.五個大人,樣樣野食剩一半.招呼只是一般,客人不多,但係好似懶忙碌咁,卻招呼不週到,等侍應給茶壺加水,會等到你頭髮都白埋先等到.唯一有效率就是埋單,一叫張單就到.咁都好,我們全家都想快些走.以後即使是別人請,免費都唔去,在家吃cup noodle仲好.