麵屋一燈 (已結業)

前前後後黎過兩次一燈,一次坐唔到海景靚位,熱潮過後今次終於坐到環境其實值左其中50蚊, 用料上同本店有所唔同, 可能要因應所在地而調整食材吧, 百分百複製味道就無可能啦, 但魚介沾麵黎講只有一燈可選.甚至麵條既質地都有所唔同,港版較為幼身.而且沾汁既味道層次亦都無法複製,出黎效果比較單一,少左日本食既果份驚喜,變左有死咸既傾向.只不過配套方面,例如叮番熱個沾汁呢方面,見到部微波爐甚至係同本店用同一部機器.肉質雖然同本店,甚至台灣有一大段距離,但係整體水準係絕大部分香港拉麵店水準之上.始終一分錢一錢貨,硬係要同本店比較的確係非常失望,但以香港拉麵店水準黎講,座銀以外一燈都頭幾位了.