影片
开饭介绍
人气日本过江龙拉面店，较受欢迎的有味玉浓厚鱼介沾面，汤底以鸡汤、鱼干及干贝等配料熬制72小时而成。
继续阅读
营业时间
*截单时间：21:.30
星期一至日
11:30 - 22:30
以上资料只供参考，请与餐厅确认详情
相关文章
行紧海港城嘅时候 想揾一间有特色而静静地嘅餐厅同朋友倾吓计食饭 睇OpenRice都见到依间餐厅好评唔错 就唔打唔撞冲左入去 意想不到入边嘅风格装修得简洁奢华 日本风味浓 而且仲有维港景色配衬 喺入边静静地望住个维港景坐得好舒服 望一望餐牌选择唔算好多 所以就拣咗秘制酱油拉面 既然嚟到一间咁华丽嘅餐厅 当然拣特制试一试龙与凤啦 拉面软硬适中 唔会好笠 而且酱油唔算好咸 鸡肉及牛肉唔会好韧 口感不错 但系男士们食的话 可能唔系好够 要配一份小食先刚刚好虽然价钱有点儿略贵 但我觉得周边嘅环境配合之下CP值都唔错
继续阅读
📍沾面——先不说味道。最紧要我会偏向著重面条硬软度同埋汤底温度，最怕系碗面一团痴埋一旧、汤又唔够热，咁样会直接影响成碗面既味道。我好钟意佢地可以帮我keep住加热汤底，面又条条分明，我比较钟意硬身少少，吃起来口感一流，所以只要沾一阵就可以，质地自己控制。如果钟意食辣既朋友，可以加入已配备既辣味樱花虾粉，又会系另一种味道。食到咁上下，记得加入特定汤水，可以当汤咁饮。当然过程中可以keep住加温保持味道，一定一定要够热先好食
继续阅读
12点半去到唔使等位。食完大约1点半见到有十几个客排队。睇完餐牌先知道原来特制系多一片鸡肉同叉烧，既然只系相差$10，就紧系叫特制啦。特制浓厚鱼介沾面($168)沾面只有冷面，无得拣暖面。鸡肉同叉烧都系薄切，各有2片。鸡肉口感唔错，有黑椒味。不过”友人”就觉得叉烧似风干既腊肉味，麻麻地。因为将冷面浸落沾面汤底会令个汤好快冻，导致叉烧浸得唔够热。(其实餐厅系有提供汤底加热服务，不过我地就无特登再叫加热，相信沾面汤底加热后会更好食)溏心蛋够哂流心，好好食。肉丸有2粒，正常。加埋樱花虾辣粉令汤底更惹味。(个人口味E: 3.7/5)(个人口味S: 3.2/5)特制秘制酱油拉面($158)汤底酱油味好浓，咸咸地。拉面既鸡肉同叉烧比沾面既热好多。鸡肉几重黑椒味，辣辣地，几惹味，肉质都嫩滑；叉烧有赵口，几好食；溏心蛋外层略嫌熟左少少，但中间都够流心，好食。拉面面质比沾面幼身。鸡肉同叉烧既烹调方法系有别于平时食开既拉面店，几特别。汤底同拉面就无乜特别。如果有机会再食，我会拣惹味汤底既沾面。(个人口味S: 3.1/5)(个人口味E: 3.6/5)消费满$100可以用一张$50 coupon，总共用左3张，如果无coupon就不了。
继续阅读
呢间又系海港城既过江龙沾面铺头好彩又系唔多人所以入黎试下叫左浓厚鱼介沾面睇你要咩配料 我地想食多d肉同玉子 就叫左特制面就冻上 汤就热上我觉得佢地既面质都系偏硬 亦挂到汤既叉烧 同 鸡 就慢煮 所以都比较嫩滑同埋佢地整得完全唔油腻 所以都比较特别个汤都几好饮 唔错唔错
继续阅读
天气咁热又想食拉面⋯行街见到有期间限定拉面～系柚子味呀！几吸引仲有无敌海景～于是入咗去试疫情关系要隔1.5米⋯坐唔到海景位置⋯没风景睇唯有专心享受食物朋友点咗好多人推介嘅浓厚鱼介沾面我个人其实唔太喜欢食沾面，因为食过几间比较出名到最后觉得系好咸同腻⋯真系唔太啱女士食⋯今次试过呢间少少鱼介沾面⋯都系唔合口胃⋯我明白沾面一定系汤热，面冻⋯先好味，因为要过冷河先可以令面更加弹牙但系连块肉都系冻⋯浸完啲汤都系得微微温咬落都系感受到冻⋯而且唔够嫩滑⋯没再想食多啖嘅念头⋯不过要赞佢个柚子拉面⋯好合时令！碗面入边配有一丝丝嘅柚子皮，汤底亦都有清新柚子味食落好开胃～越食越想食～连汤都想饮埋～另外，面质口感弹牙、肉亦都香软好味！呢款期间限定系几好嘅配搭～有别于平常食开嘅拉面，值得一试！😋
继续阅读